ಕೆ.ಆರ್.ಪುರ: ಅನಧಿಕೃತ ಸ್ವಾಗತ ಕಮಾನು ತೆರವು

ಕೆ.ಆರ್.ಪುರ: ರಾಜಕಾಲುವೆ ಅಂಚಿನಲ್ಲಿ ಬಫರ್‌ ವಲಯದ ವ್ಯಾಪ್ತಿಯಲ್ಲಿ ಅನಧಿಕೃತವಾಗಿ ನಿರ್ಮಾಣ ಮಾಡಿರುವ ಸ್ವಾಗತ ಕಮಾನು ಅನ್ನು ಬಿಬಿಎಂಪಿ ಅಧಿಕಾರಿಗಳು ತೆರವುಗೊಳಿಸಿದರು.

ಎ.ನಾರಾಯಣಪುರ ವಾರ್ಡ್‌ನ ಟಿನ್ ಫ್ಯಾಕ್ಟರಿ ಮುಖ್ಯರಸ್ತೆಯಿಂದ ಉದಯನಗರಕ್ಕೆ ಪ್ರವೇಶಿಸುವ ಮುಖ್ಯದ್ವಾರದಲ್ಲಿ ರಾಜಕಾಲುವೆ ಅಂಚಿನಲ್ಲಿ ಉದಯನಗರಕ್ಕೆ ಸ್ವಾಗತ ಕೋರುವ ಕಮಾನು ಅನ್ನು ಅನಧಿಕೃತವಾಗಿ ನಿರ್ಮಾಣ ಮಾಡಲಾಗಿತ್ತು.

ಉದಯನಗರಕ್ಕೆ ಒಳ ಪ್ರವೇಶಿಸುವ ಬಫರ್‌ ವಲಯ ಜಾಗದಲ್ಲಿ ಅನಧಿಕೃತವಾಗಿ ನಿರ್ಮಿಸಿರುವ ಕಮಾನು ತೆರವು ಮಾಡುವಂತೆ ಹೈಕೋರ್ಟ್ ಅದೇಶದ ಮೇರೆಗೆ ಪೊಲೀಸರ ನೆರವಿನೊಂದಿಗೆ ತೆರವುಗೊಳಿಸಲಾಯಿತು.