ಹೋಟೆಲ್ ಉದ್ಯಮಕ್ಕೆ ಬರುವ ಮಹಿಳೆಯರಿಗೆ ಸ್ಫೂರ್ತಿಯಾದ ವೀಣಾ

ದ್ವಿತೀಯ ಪಿಯು ಇದ್ದಾಗಲೇ ಅಪಘಾತವಾದರೂ ಎದೆಗುಂದದ ವೀಣಾ, ಕಾಲುನೋವಿನ ನಡುವೆಯೇ ವಿದ್ಯಾಭ್ಯಾಸ ಮುಂದುವರಿಸಿ ಎಂಬಿಎ ಪೂರೈಸಿದರು. ಐಟಿ ಕಂಪನಿಯಲ್ಲಿ ಕೆಲಸ ಸಿಕ್ಕರೂ, ಅದೇ ಕಾಲು ನೋವಿನ ಕಾರಣ ಕೆಲಸಕ್ಕೆ ಗುಡ್‌ಬೈ ಹೇಳಿದ ಅವರು, ತಮ್ಮ ಬಾಲ್ಯದ ಕನಸಿನಂತೆ ಹೋಟೆಲ್‌ ಶುರು ಮಾಡಿದರು. ಮೊಬೈಲ್‌ ಕ್ಯಾಂಟೀನ್‌ ರೂಪದಲ್ಲಿ ಪ್ರಾರಂಭವಾದ ಅವರ ಈ ಸಾಹಸಗಾಥೆ, ಈಗ ಬೆಂಗಳೂರಿನ ಬಿಟಿಎಂ ಲೇಔಟ್‌ನಲ್ಲಿ ಹೋಟೆಲ್‌ ನಡೆಸುವವರೆಗೆ ಬಂದು ನಿಂತಿದೆ. ಹೋಟೆಲ್‌ ಉದ್ಯಮ ಆರಂಭಿಸುವ ಮಹಿಳೆಯರಿಗೆ ಹೊಸ ಸ್ಫೂರ್ತಿಯಾಗಿ ನಿಂತಿದ್ದಾರೆ ವೀಣಾ.