ಶೀಘ್ರ ಅಂದ್ರಹಳ್ಳಿ ಕೆರೆಗೂ ನೀರು: ಸೋಮಶೇಖರ್

ರಾಜರಾಜೇಶ್ವರಿನಗರ: ‘ತಿಪ್ಪಗೊಂಡನಹಳ್ಳಿ ಜಲಾಶಯದಿಂದ ಹೇರೋಹಳ್ಳಿ ಕೆರೆಗೆ ನೀರು ತುಂಬಿಸುವ ಕೆಲಸ ಪ್ರಾರಂಭ ಮಾಡಲಾಗಿದ್ದು, ಶೀಘ್ರದಲ್ಲೇ ಅಂದ್ರಹಳ್ಳಿ ಕೆರೆಗೂ ನೀರು ಹರಿಸಲಾಗುತ್ತದೆ‘ ಎಂದು ಶಾಸಕ ಎಸ್.ಟಿ.ಸೋಮಶೇಖರ್ ಅವರು ತಿಳಿಸಿದರು.

ತಿಪ್ಪಗೊಂಡನಹಳ್ಳಿ ಜಲಾಶಯದಿಂದ ಹೇರೋಹಳ್ಳಿ ಕೆರೆಗೆ ನೀರು ತುಂಬಿಸುವ ಯೋಜನೆ ವೀಕ್ಷಿಸಿದ ಅವರು, ‘ವೃಷಾಭವತಿ ರಾಜಕಾಲುವೆಯಿಂದ ನೀರನ್ನು ಶುದ್ದೀಕರಿಸಿ ಕೆಂಗೇರಿ ಕೆರೆ ತುಂಬಿಸಲಾಗುತ್ತಿದೆ. ಶೀಘ್ರದಲ್ಲಿಯೇ ಗಾಂಧಿನಗರ ಹೊಸಕೆರೆಗೂ ನೀರು ತುಂಬಿಸಲಾಗುವುದು. ಇದರಿಂದ ಬಿಬಿಎಂಪಿ ವ್ಯಾಪ್ತಿಯ ಎಲ್ಲ ಕೊಳವೆ ಬಾವಿಗಳಲ್ಲಿ ಅಂತರ್ಜಲ ವೃದ್ದಿಯಾಗಿ ನೀರಿನ ಸಮಸ್ಯೆ ಬಗೆ ಹರಿಯಲಿದೆ ಎಂದರು.

ಬಿಬಿಎಂಪಿ ಸಹಾಯಕ ಕಾರ್ಯಪಾಲಕ ಎಂಜಿನಿಯರ್ ರಮೇಶ್, ಮುಖಂಡರಾದ ವಿ.ರಘು, ಸವಿತಾ, ಗಂಗರಾಜು, ಪ್ರಕಾಶ್, ನಿಖಿಲ್‍ಗೌಡ, ಕೆಂಪಣ್ಣ, ಆದಿತ್ಯ, ರಮೇಶ್ ಇದ್ದರು.