ರಶ್ಮಿ ಶಂಕರ್‌ಗೆ ‘ಮಿಸೆಸ್‌ ಇಂಡಿಯಾ ಅರ್ಥ್’ ಕಿರೀಟ

ಬೆಂಗಳೂರು: ಕೋರಮಂಗಲದ ಅಪೋಲೊ ಸ್ಪೆಕ್ಟ್ರಾ ಆಸ್ಪತ್ರೆಯ ಅರಿವಳಿಕೆ ತಜ್ಞೆ ಡಾ. ರಶ್ಮಿ ಶಂಕರ್ ಅವರು 2021ನೇ ಸಾಲಿನ ‘ಮಿಸೆಸ್‌ ಇಂಡಿಯಾ ಅರ್ಥ್’ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ನವದೆಹಲಿಯಲ್ಲಿ ಇತ್ತೀಚೆಗೆ ನಡೆದ ಈ ಸ್ಪರ್ಧೆಯಲ್ಲಿ ದೇಶದ ವಿವಿಧೆಡೆಯಿಂದ ರೂಪದರ್ಶಿಯರು ಭಾಗವಹಿಸಿದ್ದರು. ಅಂತಿಮ ಸುತ್ತಿಗೆ 30 ಮಂದಿ ಆಯ್ಕೆಯಾಗಿದ್ದರು.

‘ಮಹಿಳೆಯರು ಪ್ರತಿಭೆ ಪ್ರದರ್ಶಿಸಲು ಇದು ಉತ್ತಮ ವೇದಿಕೆ. ರಾಷ್ಟ್ರಮಟ್ಟದ ವಿಜೇತೆಯಾಗಿ ಹೊರಹೊಮ್ಮಿರುವುದು ಖುಷಿ ತಂದಿದೆ.’ ಎಂದರು.