ಬೀದರ್‌: ಮಾಜಿ ಪ್ರಧಾನಿ ವಾಜಪೇಯಿ ಪುಣ್ಯಸ್ಮರಣೆ

ಬೀದರ್‌: ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ  ಪುಣ್ಯಸ್ಮರಣೆ ಕಾರ್ಯಕ್ರಮ ನಗರದ ನೌಬಾದ್‌ನಲ್ಲಿರುವ  ಜಿಲ್ಲಾ ಬಿಜೆಪಿ ಕಚೇರಿಯಲ್ಲಿ ಶನಿವಾರ ನಡೆಯಿತು.

ಪಕ್ಷದ ಜಿಲ್ಲಾಧ್ಯಕ್ಷ ಸೋಮನಾಥ ಪಾಟೀಲ ಅವರು ವಾಜಪೇಯಿ ಅವರ  ಭಾವಚಿತ್ರಕ್ಕೆ ಪುಷ್ಪ ಗೌರವ ಸಲ್ಲಿಸಿದರು. 

ರಾಜ್ಯ ಪ್ರಶಿಕ್ಷಣ ಪ್ರಕೋಷ್ಠ ಸಂಚಾಲಕ ರಾಜಶೇಖರ ನಾಗಮೂರ್ತಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಗಳಾದ ಪೀರಪ್ಪ ಔರಾದೆ, ಕಿರಣ ಪಾಟೀಲ, ಜಿಲ್ಲಾ ಕಾರ್ಯದರ್ಶಿ ರಾಜಕುಮಾರ ಪಾಟೀಲ ನೇಮತಾಬಾದ, ಸುಭಾಷ ಮಡಿವಾಳ, ಸೋಮಶೇಖರ ಪಾಟೀಲ ಗಾದಗಿ, ಚಂದ್ರಶೇಖರ ಗಾದಾ, ನಾಗನಾಥ ಮೇತ್ರೆ, ಸಂಜುಕುಮಾರ ಸಜ್ಜನ್, ಸಂಜುಕುಮಾರ ಪಾಟೀಲ, ಚನ್ನಬಸವ ಬಳತೆ, ಸಂಜು ಜಿರ್ಗೆ, ಸಚ್ಚಿದಾನಂದ ಚಿದ್ರಿ, ನೇಹಾ ಪಾಟೀಲ, ವಿರುಪಾಕ್ಷ ಗಾದಗಿ ಮತ್ತಿತರರು ಪಾಲ್ಗೊಂಡಿದ್ದರು.