ಬಸವ ದರ್ಶನ ಪ್ರವಚನ ಉದ್ಘಾಟನೆ

ಭಾಲ್ಕಿ: ‘ಮನುಷ್ಯನ ಸಾರ್ಥಕ ಜೀವನಕ್ಕಾಗಿ ಶರಣರ ವಾಣಿ ಆಲಿಸಬೇಕು’ ಎಂದು ಹಿರೇಮಠ ಸಂಸ್ಥಾನದ ಪೀಠಾಧಿಪತಿ ಗುರುಬಸವ ಪಟ್ಟದ್ದೇವರು ಹೇಳಿದರು.

ತಾಲ್ಲೂಕಿನ ಕದಲಾಬಾದ ಗ್ರಾಮದ ಬಸವ ಮಂಟಪದಲ್ಲಿ ಶ್ರಾವಣ ಮಾಸದ ನಿಮಿತ್ತ ಆಯೋಜಿಸಿದ್ದ ಬಸವ ದರ್ಶನ ಪ್ರವಚನ ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು.

‘ಬಸವಾದಿ ಶರಣರು ವಚನಗಳ ರೂಪದಲ್ಲಿ ಮನುಕುಲದ ಒಳಿತಿಗೆ ಅದ್ಭುತ ಕೊಡುಗೆ ನೀಡಿದ್ದಾರೆ. ಶಾಂತಿ, ನೆಮ್ಮದಿ ಕಂಡುಕೊಳ್ಳಲು ಸದಾಕಾಲ ಶರಣರ, ಮಹಾತ್ಮರ ಚಿಂತನೆಗಳು ಆಲಿಸಬೇಕು’ ಎಂದರು.

ಗ್ರಾಮದ ಪ್ರಮುಖರಾದ ಕಾಶಪ್ಪ ಪಾಟೀಲ, ಚಂದ್ರಕಾಂತ ಬಿರಾದಾರ, ರಾಮಶೆಟ್ಟಿ ಬಿರಾದಾರ, ಬಮಶೆಟ್ಟಿ ಬಿರಾದಾರ, ಅಶೋಕ ಬಿರಾದಾರ, ಶಿವಶರಣಪ್ಪ ಮಣಂಗೇಪೂರೆ, ಕಿರಣ ಬಿರಾದಾರ, ಸುಧಾಕರ ಬಿರಾದಾರ, ರೂಪೇಶ ಬಿರಾದಾರ ಉಪಸ್ಥಿತರಿದ್ದರು.