ಬೀದರ್ | ಸೇವೆ ಕಾಯಂಗೊಳಿಸುವಂತೆ ಅತಿಥಿ ಉಪನ್ಯಾಸಕರ ಆಗ್ರಹ: ಪ್ರತಿಭಟನೆ

ಬೀದರ್: ಸೇವೆ ಕಾಯಂಗೊಳಿಸಬೇಕು ಎಂದು ಒತ್ತಾಯಿಸಿ ಶುಕ್ರವಾರ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಅತಿಥಿ ಉಪನ್ಯಾಸಕರು ನಗರದಲ್ಲಿ ಪ್ರತಿಭಟನೆ ನಡೆಸಿದರು.

ನಗರದ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಬರೆದ ಮನವಿ ಪತ್ರವನ್ನು ಜಿಲ್ಲಾಧಿಕಾರಿಗೆ ಸಲ್ಲಿಸಿದರು.

'ಕಾಂಗ್ರೆಸ್ ಪಕ್ಷ ಚುನಾವಣೆ ಸಮಯದಲ್ಲಿ ತಮ್ಮ ಪ್ರಣಾಳಿಕೆಯಲ್ಲಿ ಅತಿಥಿ ಉಪನ್ಯಾಸಕರನ್ನು ಖಾಯಂಗೊಳಿಸಲಾಗುವುದು ಎಂದು ಹೇಳಲಾಗಿತ್ತು. ಆದ್ದರಿಂದ ಕಾಂಗ್ರೆಸ್ ಸರ್ಕಾರ ನುಡಿದಂತೆ ನಡೆಯಬೇಕು' ಎಂದು ಮನವಿ ಮಾಡಿದ್ದಾರೆ.

ಪ್ರಮುಖರಾದ ವೆಂಕಟ ಜಾಧವ್, ಚಂದ್ರಕಾಂತ ನಾರಾಯಣಪೇಟ್, ಬಸವರಾಜ ಶೇರಿ, ಧನರಾಜ ತುಳಮೆ, ಬೇಬಿ ಮೇಡಂ, ಗಂಗೂ ಗಾಯಿತ್ರಿ, ವನಿತಾ ಬಾಗೆ ಬಂಡಯ್ಯ ಸ್ವಾಮಿ, ಬಾಬುರಾವ್, ಚೇತನ ಮಠಪತಿ, ಸಚಿನ ಕಟ್ಟಿಮನಿ, ತಿಪ್ಪಣ್ಣ, ಸಿದ್ದರಾಮ ಏಕನಾಥ, ಅಶೋಕ, ಪ್ರಭು, ರಮೇಶ ಚಂದ್ರಕಾಂತ ಇದ್ದರು.