ಬೀದರ್‌ | ಗುರುನಾನಕ ಶಾಲೆಯಿಂದ ಪ್ರಚಾರ ಮ್ಯಾರಾಥಾನ್‌

ಬೀದರ್‌: ನಗರದ ಗುರುನಾನಕ ಪಬ್ಲಿಕ್‌ ಶಾಲೆಯ ಸುವರ್ಣ ಮಹೋತ್ಸವದ ಪ್ರಚಾರ ಕಾರ್ಯಕ್ರಮದ ಅಂಗವಾಗಿ ಭಾನುವಾರ ಮ್ಯಾರಾಥಾನ್‌ ಹಮ್ಮಿಕೊಳ್ಳಲಾಗಿತ್ತು.

ಶಾಲೆಯ ಆವರಣದಲ್ಲಿ ಮ್ಯಾರಾಥಾನ್‌ಗೆ ಶಾಲೆಯ ಉಪಾಧ್ಯಕ್ಷೆ ರೇಷ್ಮಾ ಕೌರ್‌ ಹಸಿರು ನಿಶಾನೆ ತೋರಿಸಿ ಚಾಲನೆ ನೀಡಿದರು. ಆನಂತರ ನಡೆದ ಮ್ಯಾರಾಥಾನ್‌ನಲ್ಲಿ ಶಿಕ್ಷಕರು, ಸಿಬ್ಬಂದಿ ಹಾಗೂ ಮಕ್ಕಳೊಂದಿಗೆ ಕೌರ್‌ ಕೂಡ ಹೆಜ್ಜೆ ಹಾಕಿದರು.

ರೋಟರಿ ಕ್ಲಬ್, ಸರ್ಕಾರಿ ಆಸ್ಪತ್ರೆ, ಡಾ. ಬಿ.ಆರ್‌. ಅಂಬೇಡ್ಕರ್‌ ವೃತ್ತ, ಜಿಲ್ಲಾಧಿಕಾರಿ ಕಚೇರಿ, ಮೋಹನ್‌ ಮಾರ್ಕೆಟ್‌ ಮೂಲಕ ಶಾಲೆ ತಲುಪಿತು. ಮಾದಕ ಪದಾರ್ಥ, ತಂಬಾಕು ಪದಾರ್ಥಗಳ ಸೇವನೆಯಿಂದ ಆರೋಗ್ಯ ಹಾಗೂ ಸಮಾಜಕ್ಕೆ ಹಾನಿ ಎಂದು ಮ್ಯಾರಾಥಾನ್‌ನಲ್ಲಿ ಜಾಗೃತಿ ಮೂಡಿಸಲಾಯಿತು.