ಚಿಟಗುಪ್ಪ | ಮಂಗ ದಾಳಿ; ಐವರಿಗೆ ಗಾಯ

ಚಿಟಗುಪ್ಪ (ಬೀದರ್‌): ಮಂಗ ನಡೆಸಿದ ದಾಳಿಗೆ ಪಟ್ಟಣದಲ್ಲಿ ಐವರು ಗಾಯಗೊಂಡಿದ್ದಾರೆ.

ಪಟ್ಟಣದ ನಾಲ್ವರು ಹಾಗೂ ತಾಲ್ಲೂಕಿನ ಇಟಗಾ ಗ್ರಾಮದ ಒಬ್ಬ ವ್ಯಕ್ತಿಗೆ ಗಾಯಗಳಾಗಿವೆ.

ರೋಹಿತ್‌, ಸುರೇಶ್, ಪುನೀತ್‌, ರುಕಮಾಯಿ ಹಾಗೂ ಪ್ರೇರಣಾ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ. ‘ಮಂಗ ಕಚ್ಚಿ ಗಾಯಗೊಳಿಸಿದ್ದು, ಎಲ್ಲರಿಗೂ ಉಪಾಚಾರ ಮಾಡಲಾಗಿದೆ. ಎರಡ್ಮೂರು ದಿನಗಳಲ್ಲಿ ಗುಣಮುಖರಾಗುವರು’ ಎಂದು ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ವಿಜಯಕುಮಾರ ಹಿರಾಸ್ಕರ ತಿಳಿಸಿದ್ದಾರೆ.