ಪ್ರಜಾವಾಣಿ ವರದಿ ಪರಿಣಾಮ: ಕೊಳೆಯಿಂದ ಮುಕ್ತವಾದ ಬೀದರ್‌ನ ಪಾಪನಾಶಿನಿ ಕೆರೆ

ಬೀದರ್‌: ನಗರದ ಪಾಪನಾಶ ಕೆರೆಯನ್ನು ನಗರಸಭೆಯ ಸಿಬ್ಬಂದಿ ಬುಧವಾರ ಸ್ವಚ್ಛಗೊಳಿಸಿದರು.

‘ಪಾಪನಾಶ ಕೆರೆಗೆ ಕೊಳೆಯ ಪಾಪ’ ಶೀರ್ಷಿಕೆ ಅಡಿ ‘ಪ್ರಜಾವಾಣಿ’ ಬುಧವಾರ (ನ.6) ವರದಿ ಪ್ರಕಟಿಸಿತ್ತು. ವರದಿಗೆ ಎಚ್ಚೆತ್ತುಕೊಂಡ ನಗರಸಭೆ ಪೌರಾಯುಕ್ತ ಶಿವರಾಜ ರಾಠೋಡ್‌ ಅವರು ಸಿಬ್ಬಂದಿಯನ್ನು ಸ್ಥಳಕ್ಕೆ ಕಳಿಸಿ ಸ್ವಚ್ಛತೆಗೆ ಕ್ರಮ ಕೈಗೊಂಡಿದ್ದಾರೆ.

ಗಣೇಶ ಉತ್ಸವ, ದಸರಾ ಹಾಗೂ ದೀಪಾವಳಿ ಸಂದರ್ಭದಲ್ಲಿ ಪೂಜೆಗೆ ಬಳಸಿದ ವಸ್ತುಗಳನ್ನು ಜನರು ಪಾಪನಾಶ ಕೆರೆಗೆ ತಂದು ಸುರಿದಿದ್ದರು. ಇದರಿಂದ ಇಡೀ ಕೆರೆಯಂಗಳ ಮಲಿನಗೊಂಡಿತ್ತು. ದುರ್ಗಂಧಕ್ಕೆ ಕಾರಣವಾಗಿತ್ತು. ಇದು ಪರಿಸರಪ್ರಿಯರ ಆಕ್ರೋಶಕ್ಕೆ ಕಾರಣವಾಗಿತ್ತು. ಈ ಕುರಿತು ‘ಪ್ರಜಾವಾಣಿ’ ಸಚಿತ್ರ ಸಮೇತ ವಿವರವಾಗಿ ವರದಿ ಪ್ರಕಟಿಸಿತ್ತು