ಹುಲಸೂರ: ಪಟ್ಟಣ ಸೇರಿದಂತೆ ತಾಲ್ಲೂಕಿನ ವಿವಿಧೆಡೆ ಗುರುವಾರ ಮಧ್ಯಾಹ್ನ ಗುಡುಗು ಮಿಂಚು ಸಹಿತ ಮಳೆ ಸುರಿದಿದ್ದು ಸಂಜೆವರೆಗೂ ಮೋಡಕವಿದ ವಾತಾವರಣ ಇತ್ತು.
ಮಧ್ಯಾಹ್ನ 4 ಗಂಟೆ ಸುಮಾರಿಗೆ ಒಂದೂ ಗಂಟೆ ಮಳೆ ಸುರಿಯಿತು. ನಂತರ ಕೆಲ ಕಾಲ ಬಿಡುವು ನೀಡಿ, ಸಂಜೆ ಸುಮಾರಿಗೆ ತಣ್ಣನೆ ಗಾಳಿ ಬೀಸಿತು. ಸೆಕೆಯನ್ನೇ ಕಂಡಿದ್ದ ತಾಲ್ಲೂಕು ಜನತೆಗೆ ಮಳೆಗಾಲದ ಅನುಭವವಾಯಿತು.ಕಪ್ಪಾದ ಮೋಡ ಹುಟ್ಟಿಕೊಂಡಿದ್ದರೂ, ಗುಡುಗು- ಸಿಡಿಲಿನ ಆರ್ಭಟವಿದ್ದರೂ ಭಾರಿ ಪ್ರಮಾಣದ ಮಳೆ ಮಾತ್ರ ಬರಲಿಲ್ಲ.
ಮುಚಳಂಬ, ಅಳವಾಯಿ, ತುಗಾಂವ (ಎಚ್), ಮಿರಕಲ, ಗಡಿಗೌಡಗಾಂವ, ವಾಂಝರಾಖೆಡ್, ಮೆಹಕರ, ಬೇಲೂರ ಸೇರಿದಂತೆ ಇತರೆಡೆ ಅರ್ಧ ತಾಸು ಜೋರಾದ ಮಳೆ ಸುರಿದಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.