ಹನೂರು: ರೇಷ್ಮೆ ಹುಳು ಸಾಕಣೆ ಘಟಕ ಭಸ್ಮ

ಹನೂರು: ಅಂಬಿಕಾಪುರ ಗ್ರಾಮದಲ್ಲಿ ಗುರುವಾರ ಆಕಸ್ಮಿಕ ಬೆಂಕಿ ತಗುಲಿ ರೇಷ್ಮೆ ಹುಳು ಸಾಕಣೆ ಘಟಕ ಸಂಪೂರ್ಣ ಭಸ್ಮವಾಗಿದೆ

 ರೇಷ್ಮೆ ಬೆಳೆಗಾರ ಅರುಣ್ ಕುಮಾರ್ ಎಂಬವರು ಜಮೀನಿನಲ್ಲಿ ರೇಷ್ಮೆ ಹುಳು ಸಾಕಣೆ ಘಟಕ ನಿರ್ಮಾಣ ಮಾಡಿದ್ದರು . ಆಕಸ್ಮಿಕ ಬೆಂಕಿಗೆ ರೇಷ್ಮೆ ಹುಳು, ಚಂದ್ರಿಕೆಗಳು, ಕಟ್ಟಿಗೆಯ ರ‍್ಯಾಕ್,  ಪರಿಕರಕಗಳು ಸುಟ್ಟು ಹೋಗಿದ್ದು, ಲಕ್ಷಾಂತರ ರೂಪಾಯಿ ಮೌಲ್ಯದ ನಷ್ಟವಾಗಿದೆ.

 ಲಕ್ಷಾಂತರ ರೂಪಾಯಿ ವೆಚ್ಚ ಮಾಡಿ ರೇಷ್ಮೆ ಕೃಷಿ ಪರಿಕರಗಳನ್ನು ಖರೀದಿಸಿ, ಸಂಗ್ರಹಿಸಿಟ್ಟಿದ್ದೆ, ಲಕ್ಷಾಂತರ ರೂಪಾಯಿ ನಷ್ಟ ಉಂಟಾಗಿ , ಸಂಕಷ್ಟಕ್ಕೆ ಸಿಲುಕಿ ಪರದಾಡುವಂಥ ಸ್ಥಿತಿ ನಿರ್ಮಾಣವಾಗಿದೆ. ರೈತ ಅರುಣ್‌ಗೆ ಜಿಲ್ಲಾಡಳಿತ ಹಾಗೂ  ಕೃಷಿ ಇಲಾಖೆ  ನೆರವು ನೀಡಬೇಕು ಎಂದು ರೈತ ಸಂಘಟನೆ ಒತ್ತಾಯಿಸಿದೆ.

 ರಾಮಾಪುರ ಪೋಲಿಸ್ ಠಾಣೆ  ಎಎಸ್ಐ ಲಿಂಗರಾಜು ಹಾಗೂ ಕಾನ್‌ಸ್ಟೆಬಲ್‌ ಮಹೇಂದ್ರ  ಪರಿಶೀಲಿಸಿ, ಪ್ರಕರಣ ದಾಖಲಿಸಿದ್ದಾರೆ.