ಮಾದಾರ ಚನ್ನಯ್ಯ ನಾಮಫಲಕ ಅನಾವರಣ

ಸಂತೇಮರಹಳ್ಳಿ: ಇಲ್ಲಿನ ಯಳಂದೂರು ರಸ್ತೆಯಲ್ಲಿ ಮಾದಾರ ಚನ್ನಯ್ಯ ವಿಚಾರ ವೇದಿಕೆಯ ನೂತನ ನಾಮಫಲಕವನ್ನು ಗುರುವಾರ ಅನಾವರಣಗೊಳಿಸಲಾಯಿತು.

ಗ್ರಾಮಪಂಚಾಯಿತಿ ಸದಸ್ಯ ಶಿವಯ್ಯ ಮಾತನಾಡಿ, ‘ಬಡಾವಣೆಯಲ್ಲಿ ನೂತನವಾಗಿ ಮಾದಾರ ಚನ್ನಯ್ಯ ವೇದಿಕೆ ಉದ್ಘಾಟಿಸಲಾಗಿದೆ. ಈ ವೇದಿಕೆಗೆ ಬಡಾವಣೆಯ ಮುಖಂಡರು, ಯುವಕರು ಹಾಗೂ ಯಜಮಾನರುಗಳು ಉತ್ತಮ ಸಹಕಾರ ನೀಡಬೇಕು. ಈ ವಿಚಾರ ವೇದಿಕೆಯಿಂದ ಶಿಕ್ಷಣ ಹಾಗೂ ಬಡಾವಣೆಯ ಅಭಿವೃದ್ಧಿಗಾಗಿ ಎಲ್ಲರೂ ಕೈ ಜೋಡಿಸಬೇಕು. ಜತೆಗೆ ಸಂಘಟನೆ ಮೂಲಕ ಹೋರಾಟ ಮಾಡಬೇಕು’ ಎಂದರು.

ಮುಖಂಡರಾದ ಕಿಟ್ಟಪ್ಪ, ಶಿವರಾಜು, ಎಸ್.ರಾಜೇಶ್, ಪಿ.ಚೇತನ್, ಲೋಕೇಶ್, ರಾಚಪ್ಪ, ಮಹಾದೇವಯ್ಯ, ಗಾರೆ ಮಹದೇವ, ಲಿಂಗರಾಜು, ನೀಲಕಂಠಯ್ಯ, ಸುಂದರ, ಶ್ರೀನಿವಾಸ ಇತರರು ಇದ್ದರು.