‘27ಕ್ಕೆ ಅದಾಲತ್‌: ಸೋಲಿಗರು ಸಮಸ್ಯೆ ಬಗೆಹರಿಸಿ’

ಯಳಂದೂರು: ಬಿಳಿಗಿರಿರಂಗನಬೆಟ್ಟದಲ್ಲಿ ನ. 27ರಂದು ಜಿಲ್ಲಾ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆ ಆಯೋಜಿಸಿರುವ ಅದಾಲತ್‌ನಲ್ಲಿ ಆದಿವಾಸಿಗಳು ಭಾಗವಹಿಸಿ ಸಮಸ್ಯೆ ಪರಿಹರಿಸಿಕೊಳ್ಳಿ ಎಂದು ಆದಿವಾಸಿ ಮುಖಂಡರಾದ ತಂಟ್ರಿ ಕೇತಮ್ಮ ಹೇಳಿದರು.

ತಾಲ್ಲೂಕಿನ ಬಿಳಿಗಿರಿರಂಗನಬೆಟ್ಟದ ವಿವಿಧ ಹಾಡಿಗಳಲ್ಲಿ ಪ್ರಧಾನ ಮಂತ್ರಿ ಜನಜಾತೀಯ ಗ್ರಾಮ ಉತ್ಕರ್ಷ ಅಭಿಯಾನ್ ಅಂಗವಾಗಿ ಶನಿವಾರ ಆಯೋಜಿಸಿದ್ದ ಜನ ಜಾಗೃತಿ ಕಾರ್ಯಕ್ರದಲ್ಲಿ ಅವರು ಮಾತನಾಡಿದರು.

ತಾಲ್ಲೂಕು ಮತ್ತು ಜಿಲ್ಲಾ ಮಟ್ಟದ ಅಧಿಕಾರಿಗಳು ನ.27 ರಂದು ಪಂಚಾಯಿತಿ ಆವರಣದಲ್ಲಿ ಸಭೆ ನಡೆಸಲಿದ್ದಾರೆ.   ಬುಡಕಟ್ಟು ಸಮುದಾಯಗಳ ದಾಖಲೆಗಳ ನೋಂದಣಿ ಕಾರ್ಯಕ್ರಮ ನಡೆಯಲಿದೆ.  ಸೌಲಭ್ಯದಿಂದ ವಂಚಿತ ಬುಡಕಟ್ಟು ಜನರು ತಮ್ಮ ಸಮಸ್ಯೆಗಳನ್ನು ಸ್ಥಳದಲ್ಲಿ ಪರಿಹರಿಸಿಕೊಳ್ಳಬಹುದು. ಆಧಾರ್, ಜಾತ್ರಿ ಪ್ರಮಾಣ ಪತ್ರ, ಪಡಿತರ, ಪಿಂಚಣಿಗೆ ಬಗ್ಗೆ ಮಾಹಿತಿ ಪಡೆಯಬಹುದು ಎಂದರು.

ಮುಖಂಡರಾದ ಬೊಮ್ಮಯ್ಯ, ಶಿಕ್ಷಕ ಮಹೇಶ್, ಜಡೇಮಾದಮ್ಮ, ಶಕುಂತಲಮ್ಮ, ಕಾಳಮ್ಮ, ಶಿವರುದ್ರಮ್ಮ, ಕರಿನಂಜನ ಕೇತಮ್ಮ  ಭಾಗವಹಿಸಿದ್ದರು.