ಬಾಗೇಪಲ್ಲಿ: ಪಟ್ಟಣ, ಗ್ರಾಮಗಳಲ್ಲಿ ಬಕ್ರೀದ್ ಹಬ್ಬದ ಸಂಭ್ರಮ

ಬಾಗೇಪಲ್ಲಿ: ಭಕ್ತಿ ಹಾಗೂ ತ್ಯಾಗ ಅನುಸಂಧಾನದ ಬಕ್ರೀದ್ (ಈದ್-ಉಲ್-ಅದಾ) ಹಬ್ಬದ ಪ್ರಯುಕ್ತ ಸೋಮವಾರ ಪಟ್ಟಣದ ಹಾಗೂ ಗ್ರಾಮೀಣ ಪ್ರದೇಶಗಳ ಮುಸ್ಲಿಮರು ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದರು.

ಪಟ್ಟಣದ ಜಾಮೀಯಾ, ಫಾರೂಕ್, ಕಮರ್, ನೂರಾನಿ, ಕೊತ್ತಪಲ್ಲಿ ರಸ್ತೆ ಮಸೀದಿ ಸೇರಿದಂತೆ 18 ಮಸೀದಿಗಳಿಂದ ಮೆರವಣಿಗೆ ಹೊರಟರು. ಬೆಳಿಗ್ಗೆ 8ಕ್ಕೆ ಹಮ್ಮಿಕೊಂಡಿದ್ದ ವಿಶೇಷ ಸಾಮೂಹಿಕ ಪ್ರಾರ್ಥನೆಯಲ್ಲಿ ಸರತಿ ಸಾಲಿನಲ್ಲಿ ನಿಂತು ಭಾಗಿಯಾದರು.

ತಾಲ್ಲೂಕಿನ ಪಾತಪಾಳ್ಯ, ಮಾರ್ಗಾನುಕುಂಟೆ, ಗೂಳೂರು, ಬಿಳ್ಳೂರು, ನಾರೇಮದ್ದೇಪಲ್ಲಿ, ಮಿಟ್ಟೇಮರಿ, ಜೂಲಪಾಳ್ಯ ದಿಗವನೆಟಕುಂಟಪಲಿ, ಯಗವನೆಟಕುಂಟಪಲ್ಲಿಯಲ್ಲಿ ಪ್ರಾರ್ಥನೆ ನಡೆಯಿತು.

ಪಟ್ಟಣದ ಫಾರೂಕ್ ಮಸೀದಿ ಧರ್ಮಗುರು ಹಜರತ್ ಮೌಲಾನಾ ರಿಯಾಜುದ್ದೀನ್ ವಿಶೇಷ ಪ್ರಾರ್ಥನೆ ಸಲ್ಲಿಸಿ, ಪ್ರವಚನ ನೀಡಿದರು.

ವಿಶೇಷ ಪ್ರಾರ್ಥನೆ ಮುಗಿಸಿದ ಬಳಿಕ ಮುಸ್ಲಿಮರು ಖಬರಸ್ತಾನ್‌ದಲ್ಲಿ ಪ್ರಾರ್ಥನೆ ಸಲ್ಲಿಸಿದರು.