ಮಹಾಕೈಲಾಸಗಿರಿಯಲ್ಲಿ 15ಕ್ಕೆ ಲಕ್ಷದೀಪೋತ್ಸವ

ಚಿಂತಾಮಣಿ: ಅಂಬಾಜಿದುರ್ಗ ಬೆಟ್ಟದ ಮಹಾಕೈಲಾಸಗಿರಿ ಗುಹಾಂತರ ದೇವಾಲಯದಲ್ಲಿ ಕಾರ್ತಿಕ ಹುಣ್ಣಿಮೆಯ ಪ್ರಯುಕ್ತ ನವೆಂಬರ್ 15 ರಂದು ಲಕ್ಷದೀಪೋತ್ಸವ ನಡೆಯಲಿದೆ ಎಂದು ದೇವಾಲಯದ ಗಂಗಾಧರೇಶ್ವರಸ್ವಾಮಿ ಸೇವಾ ಟ್ರಸ್ಟ್ ತಿಳಿಸಿದೆ.

ಶುಕ್ರವಾರ ಅಲಂಕಾರ, ಪೂಜೆ ಮತ್ತಿತರ ಧಾರ್ಮಿಕ ಕಾರ್ಯಕ್ರಮ ನೆರವೇರುತ್ತವೆ. ಬೆಳಿಗ್ಗೆ ಪಂಚಾಮೃತ ಅಭಿಷೇಕ ಹಾಗೂ ಸಂಜೆ ಲಕ್ಷದೀಪೋತ್ಸವ ಹಮ್ಮಿಕೊಳ್ಳಲಾಗಿದೆ.

ವಾಸವಿವನಿತಾಮಿತ್ರ ವೃಂದ, ಕನ್ಯಕಾ ಭಜನಾ ಮಂಡಳಿ, ವಾಸವಿ ಭಜನಾ ಮಂಡಳಿ, ಸಹಸ್ರ ಭಜನಾ ಮಂಡಳಿ, ವೈಷ್ಣವಿ ಭಜನಾ ಮಂಡಳಿ, ಸಾಯಿ ಭಜನಾ ಮಂಡಳಿ, ಸರಸ್ವತಿ ಭಜನಾ ಮಂಡಳಿಯಿಂದ ಶಿವಸ್ತೋತ್ರ ಪಾರಾಯಣ ನಡೆಯಲಿದೆ.