ಉಪ ಚುನಾವಣೆಯಲ್ಲಿ ಗೆಲುವು: ಕಾಂಗ್ರೆಸ್ ಕಾರ್ಯಕರ್ತರ ಸಂಭ್ರಮ

ಕಡೂರು: ರಾಜ್ಯದಲ್ಲಿ ನಡೆದ ಮೂರು ಕ್ಷೇತ್ರಗಳ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್‌ ಐತಿಹಾಸಿಕ ಗೆಲುವು ಸಾಧಿಸಿದ್ದಕ್ಕೆ ಕಡೂರಿನ ಅಂಬೇಡ್ಕರ್ ವೃತ್ತದಲ್ಲಿ ಕಾರ್ಯಕರ್ತರು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಬಾಸೂರು ಚಂದ್ರಮೌಳಿ ಮಾತನಾಡಿ, ರಾಜ್ಯ ಸರ್ಕಾರ ಜನರಿಗೆ ನೀಡಿದ ಗ್ಯಾರಂಟಿಗಳು ಜನಮನ ಗೆದ್ದಿದೆ ಎಂಬುದಕ್ಕೆ ಈ ಮೂರು ಗೆಲುವು ಸಾಕ್ಷಿಯಾಗಿವೆ ಎಂದರು.

ಚಟ್ನಳ್ಳಿ ಶಿವು, ಸೇವಾದಳದ ಅಧ್ಯಕ್ಷ ಮಲ್ಲೇಶ್ವರ ಧರ್ಮಣ್ಣ, ಎಂ.ಟಿ.ಮಂಜುನಾಥ್, ಡಿ.ಕೆ.ಶಿವಕುಮಾರ್, ನೂತನ್ ದಾಸರಹಳ್ಳಿ, ಮೂರ್ತಿಹಾಳು ಉಮೇಶ್, ಶ್ರೀಕಂಠ ಒಡೆಯರ್, ಹುಚ್ಚಪ್ಪ, ಯುವ ಕಾಂಗ್ರೆಸ್ ಮುಖಂಡ ಲಿಂಗರಾಜು ರೇವಣ್ಣ, ಸಚಿನ್ ಇದ್ದರು.