ಅಪಾಯಕಾರಿಯಾದ ಸಿಲ್ವರ್ ಮರಗಳು

ಕೊಪ್ಪ: ತಾಲ್ಲೂಕಿನಲ್ಲಿ ಶುಕ್ರವಾರ ಭಾರಿ ಗಾಳಿಯೊಂದಿಗೆ, ಮಳೆ ಸುರಿದಿದೆ.  ಪಟ್ಟಣ ವ್ಯಾಪ್ತಿಯಲ್ಲಿ 14.10 ಸೆಂ.ಮೀ ಮಳೆ ದಾಖಲಾಗಿದೆ. ಹರಂದೂರು ಗ್ರಾಮದ ಪ್ರಮೀಳಾ ಎಂಬುವರ ಮನೆ ಮೇಲೆ ಮರಬಿದ್ದು ಚಾವಣಿಗೆ ಹಾನಿಯಾಗಿದೆ.  ಅಮ್ಮಡಿಯಲ್ಲಿ ಕಾಫಿ ಎಸ್ಟೇಟ್ ಪಕ್ಕದಲ್ಲಿ ಹಾದು ಹೋಗಿರುವ ರಾಷ್ಟ್ರೀಯ ಹೆದ್ದಾರಿ 169ರಲ್ಲಿ ಕಾಫಿ ಎಸ್ಟೇಟ್‌ದ ಸಿಲ್ವರ್ ಮರಗಳು ನಿರಂತರವಾಗಿ ರಸ್ತೆಗೆ ಉರುಳುತ್ತಿದ್ದು, ಇಲ್ಲಿ ಸಾಕಷ್ಟು ವಿದ್ಯುತ್ ಕಂಬಗಳೂ ಮುರಿದಿವೆ. ಹೆದ್ದಾರಿ ಪಕ್ಕದಲ್ಲಿ ಸಾಕಷ್ಟು ಮರಗಳು ರಸ್ತೆಗೆ ವಾಲಿ ನಿಂತಿದ್ದು, ಅಪಾಯಕಾರಿಯಾಗಿವೆ. ಸಾರ್ವಜನಿಕರು ಭಯದಿಂದ ಓಡಾಡುವಂತಾಗಿದೆ.