ಕೊಪ್ಪ | ಡಿಎಲ್‌, ಹೆಲ್ಮೆಟ್ ಇಲ್ಲದೆ ಚಾಲನೆ: ಸರ್ಕಾರಿ ನೌಕರನಿಗೆ ₹1500 ದಂಡ

ಕೊಪ್ಪ: ಹೆಲ್ಮೆಟ್‌ ಧರಿಸದೆ, ಚಾಲನಾ ಪರವಾನಗಿ ಇಲ್ಲದೆ  ದ್ವಿಚಕ್ರ ವಾಹನ ಓಡಿಸಿದ ಸರ್ಕಾರಿ ನೌಕರರೊಬ್ಬರಿಗೆ, ವಾಹನಗಳ ದಾಖಲೆ ಪರಿಶೀಲನೆಯಲ್ಲಿ ತೊಡಗಿದ್ದ ಕೊಪ್ಪ ಪಿಎಸ್ಐ ಬಸವರಾಜ್  ₹1500 ದಂಡ ವಿಧಿಸಿ, ಎಚ್ಚರಿಕೆ ನೀಡಿದ್ದಾರೆ.

ಅರಣ್ಯ ಇಲಾಖೆಯ ಸಿಬ್ಬಂದಿ ಹೊಸ ದ್ವಿಚಕ್ರ ವಾಹನವನ್ನು ಖರೀದಿಸಿದ್ದರು. ವಾಹನಕ್ಕೆ ನಂಬರ್‌ ಪ್ಲೇಟ್‌ ಇನ್ನೂ ಅಳವಡಿಸಿರಲಿಲ್ಲ. ದಾಖಲೆಗಳನ್ನು ಪರಿಶೀಲಿಸುವಾಗ ಚಾಲನೆ ಮಾಡುತ್ತಿದ್ದ ವ್ಯಕ್ತಿಯ ಬಳಿ ಡಿಎಲ್‌ ಇರಲಿಲ್ಲ. ಹೆಲ್ಮೆಟ್‌ ಕೂಡ ಧರಿಸಿರಲಿಲ್ಲ. ಹೆಲ್ಮೆಟ್‌ ಇಲ್ಲದೆ ವಾಹನ ಚಲಾಯಿಸಿದ್ದಕ್ಕೆ ₹500 ಹಾಗೂ ಡಿಎಲ್‌ ಇಲ್ಲದ ಕಾರಣ ₹1 ಸಾವಿರ ಸೇರಿ ಒಟ್ಟು ₹1,500 ದಂಡ ವಿಧಿಸಲಾಗಿದೆ ಪೊಲೀಸ್‌ ಮೂಲಗಳು ಹೇಳಿವೆ.