ಶೃಂಗೇರಿಯಲ್ಲಿ ಉತ್ತಮ ಮಳೆ

ಶೃಂಗೇರಿ: ತಾಲ್ಲೂಕಿನಲ್ಲಿ ಮಂಗಳವಾರ ಗುಡುಗು ಸಿಡಿಲಿನೊಂದಿಗೆ ಉತ್ತಮ ಮಳೆಯಾಗಿದೆ.  ಮೆಣಸೆ, ಕುಂಚೇಬೈಲು, ತೆಕ್ಕೂರು, ಅಡ್ಡಗದ್ದೆ, ಹೊಳೆಕೊಪ್ಪ, ನೆಮ್ಮಾರ್, ಕಲ್ಕಟ್ಟೆ, ವೈಕುಂಠಪುರ ಕಾವಡಿ, ಬೆಟ್ಟಗೆರೆ ಕಡೆ ಧಾರಾಕಾರವಾಗಿ ಮಳೆ ಸುರಿದೆ. ಮಳೆಗೆ ರಭಸದ ಗಾಳಿ ಬೀಸಿದ್ದರಿಂದ ಹಲವೆಡೆ ಮರದ ಕೊಂಬೆಗಳು ಮುರಿದು, ವಿದ್ಯುತ್ ತಂತಿಯ ಮೇಲೆ ಬಿದ್ದು ವಿದ್ಯುತ್ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದೆ. ಪಟ್ಟಣದ ಭಾರತಿ ತೀರ್ಥ ರಸ್ತೆಯಲ್ಲಿ  ಮರ ಉರುಳಿ ವಿದ್ಯುತ್ ತಂತಿಯ ಮೇಲೆ ಬಿದ್ದು, ತಂತಿ ತುಂಡಾಗಿದೆ.