ಚಿಕ್ಕಮಗಳೂರು: ಪ್ರೇಮಿಗಳು ಆತ್ಮಹತ್ಯೆ

ಚಿಕ್ಕಮಗಳೂರು: ತಾಲ್ಲೂಕಿನ ಆಲ್ದೂರು ಸಮೀಪ ಸತ್ತಿಹಳ್ಳಿ ಗುಲ್ಲನಪೇಟೆಯ ಜಮೀನಿನ ಬದಿಯ ಹಲಸಿನ ಮರಕ್ಕೆ ಪ್ರೇಮಿಗಳಿಬ್ಬರು ಮಂಗಳವಾರ ನೇಣು ಹಾಕಿಕೊಂಡಿದ್ದಾರೆ.

ಮಲ್ಲಂದೂರಿನ ಕಲ್ಲುಗುಡ್ಡೆಯ ದರ್ಶನ್‌ (21) ಹಾಗೂ ಹಾಸನ ಜಿಲ್ಲೆಯ ಸಕಲೇಶಪುರ ತಾಲ್ಲೂಕಿನ ಹಾನಬಾಳು ಗ್ರಾಮದ ಪೂರ್ವಿಕಾ (19) ಮೃತಪಟ್ಟವರು.

‘ದರ್ಶನ್‌ ತೋಟದ ಕೂಲಿಕಾರ. ಪೂರ್ವಿಕಾ ಮಂಗಳೂರಿನಲ್ಲಿ ಮೀನಿನ ಫ್ಯಾಕ್ಟರಿಯಲ್ಲಿ ಉದ್ಯೋಗಿ. ಇಬ್ಬರು ಪರಸ್ಪರ ಪ್ರೀತಿಸುತ್ತಿದ್ದರು. ಆತ್ಮಹತ್ಯೆಗೆ ಕಾರಣ ಗೊತ್ತಾಗಿಲ್ಲ, ತನಿಖೆ ಆರಂಭಿಸಿದ್ದೇವೆ’ ಎಂದು ಪೊಲೀಸರು ತಿಳಿಸಿದ್ದಾರೆ.

ಶವಗಳನ್ನು ಜಿಲ್ಲಾಸ್ಪತ್ರೆಯ ಶವಾಗಾರಕ್ಕೆ ಸಾಗಿಸಲಾಗಿದೆ. ಆಲ್ದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.