ತರೀಕೆರೆ: ಚುನಾವಣೆಗೆ ಸಕಲ ಸಿದ್ದತೆ

ತರೀಕೆರೆ: ‘ಶಾಂತಿಯುತ ಮತದಾನಕ್ಕೆ ಸಕಲ ಸಿದ್ದತೆ ಮಾಡಿಕೊಳ್ಳಲಾಗಿದೆ’ ಎಂದು ಚುನಾವಣಾಧಿಕಾರಿ ಸಿದ್ದಲಿಂಗರೆಡ್ಡಿ ತಿಳಿಸಿದರು.

ಕ್ಷೇತ್ರದಲ್ಲಿ 96134 ಪುರುಷ ಮತದಾರರು, 97510 ಮಹಿಳಾ ಮತದಾರರು ಹಾಗೂ  ಒಬ್ಬರು ತೃತೀಯ ಲಿಂಗಿ ಮತದಾರ  ಸೇರಿದಂತೆ ಒಟ್ಟು 1,93,645 ಮತದಾರರಿದ್ದಾರೆ. ಕ್ಷೇತ್ರದ 228 ಮತಗಟ್ಟೆಗಳಲ್ಲಿ 35 ಮತಗಟ್ಟೆಗಳನ್ನು ಸೊಕ್ಷ್ಮ ಹಾಗೂ 5 ಮತಗಟ್ಟೆಗಳನ್ನು ಅತಿಸೊಕ್ಷ್ಮ ಮತಗಟ್ಟೆ, 3 ಮತಗಟ್ಟೆಗಳನ್ನು ಪಿಂಕ್ ಮತಗಟ್ಟೆಗಳೆಂದು ಗುರುತಿಸಲಾಗಿದೆ. 114 ಮತಗಟ್ಟೆಗಳಲ್ಲಿ ವೆಬ್ಕ್ಯಾಸ್ಟಿಂಗ್ ಮಾಡಲಾಗುತ್ತಿದೆ ಎಂದರು.