ಚಳ್ಳಕೆರೆ | ಕುಸಿದು ಬಿದ್ದ ಮನೆಯ ಛಾವಣಿ: ವ್ಯಕ್ತಿ ಸಾವು

ಚಳ್ಳಕೆರೆ: ಮನೆ ಛಾವಣಿ ಕುಸಿದು ಮಾಲೀಕ ಸ್ಥಳದಲ್ಲೇ ಮೃತಪಟ್ಟು, ಇಬ್ಬರು ಕಾರ್ಮಿಕರು ಪ್ರಾಣಾಪಾಯದಿಂದ ಪಾರಾದ ಘಟನೆ ತಾಲ್ಲೂಕಿನ ರಾಮಜೋಗಿಹಳ್ಳಿ ಗ್ರಾಮದಲ್ಲಿ ಬುಧವಾರ ನಡೆದಿದೆ. 

ರಾಮಜೋಗಿಹಳ್ಳಿ ಗ್ರಾಮದ ಮನೆ ಮಾಲೀಕ ಮುರಳೀಧರ (45) ಮೃತ ವ್ಯಕ್ತಿ.

ಹೊಸ ಮನೆ ನಿರ್ಮಾಣ ಕಾಮಗಾರಿಯ ವೇಳೆ ಹಳೆಯ ಮನೆ ಮೇಲೆ ಓಡಾಡುತ್ತಿರುವಾಗ ಈ ಅವಘಡ ಸಂಭವಿಸಿದೆ. 

ಕಂದಾಯ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಪ್ರಕರಣ ದಾಖಲಾಗಿದೆ ಎಂದು ಪಿಎಸ್‍ಐ ಧರಪ್ಪ ಬಾಳಪ್ಪ ದೊಡ್ಡಮನಿ ತಿಳಿಸಿದ್ದಾರೆ.