ಹಿರಿಯೂರು | ತೋಟಕ್ಕೆ ಬೆಂಕಿ: ಲಕ್ಷಾಂತರ ರೂಪಾಯಿ ನಷ್ಟ

ಹಿರಿಯೂರು: ತಾಲ್ಲೂಕಿನ ಅಂಬಲಗೆರೆ ಗ್ರಾಮದ ಮಹಾಂತೇಶ್ ಅವರ ತೋಟದಲ್ಲಿ ಮಂಗಳವಾರ ಸಂಭವಿಸಿದ ಅಗ್ನಿ ಆಕಸ್ಮಿಕದಲ್ಲಿ ನೂರಾರು ಅಡಿಕೆ ಮತ್ತು ಬಾಳೆ ಗಿಡಗಳು ಸುಟ್ಟು ಹೋಗಿದ್ದು, ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿದೆ.

ಹುಲಗಲಕುಂಟೆ ಗ್ರಾಮ: ತಾಲ್ಲೂಕಿನ ಹುಲುಗಲಕುಂಟೆ ಗ್ರಾಮದಲ್ಲಿ ಸೋಮವಾರ ಸಂಭವಿಸಿದ ಅಗ್ನಿ ಆಕಸ್ಮಿಕದಲ್ಲಿ ಗಿರೀಶ್ ಅವರ  ತೋಟದಲ್ಲಿನ ಕಾಲು ಎಕರೆ  ಕನಕಾಂಬರ ಗಿಡಗಳು, 3 ತೆಂಗಿನ ಮರಗಳು, ಸಣ್ಣಪ್ಪ ಅವರ ತೋಟದಲ್ಲಿನ 5 ತೆಂಗಿನ ಮರಗಳು, ಹೇಮಾವತಿ ಅವರ ತೋಟದಲ್ಲಿನ 7 ತೆಂಗಿನ ಮರಗಳು, ರಂಗನಾಥ್ ಮತ್ತು ಪ್ರಹ್ಲಾದ್ ಅವರ ತೋಟದಲ್ಲಿನ ತಲಾ 3 ತೆಂಗಿನ ಮರಗಳು ಸುಟ್ಟು ಹೋಗಿವೆ.

ಕಿಡಿಗೇಡಿಗಳು ತೋಟದ ಬೇಲಿಗೆ ಬೀಡಿ ಅಥವಾ ಸಿಗರೇಟ್ ಸೇದಿ ಬಿಸಾಡಿದ ತುಂಡಿನಿಂದ ಬೆಂಕಿ ಹತ್ತಿರಬಹುದು ಎಂದು ಹೇಳಲಾಗಿದೆ.