ಹಿರಿಯೂರು: ಅಗ್ನಿ ಆಕಸ್ಮಿಕ; ಮನೆ ಭಸ್ಮ

ಹಿರಿಯೂರು: ಅಗ್ನಿ ಆಕಸ್ಮಿಕದಲ್ಲಿ ಮನೆಯೊಂದು ಸಂಪೂರ್ಣ ಸುಟ್ಟು ಹೋಗಿರುವ ಘಟನೆ ನಗರದ ಮಿರ್ಜಾ ಬಡಾವಣೆಯಲ್ಲಿ ಗುರುವಾರ ನಡೆದಿದೆ.

ಬುಡೇನ್ ಬೇಗ್ ಎಂಬುವರ ಮನೆ ಅಗ್ನಿಗೆ ಆಹುತಿಯಾಗಿದೆ. ಮನೆಯಲ್ಲಿದ್ದ ಮರಮುಟ್ಟು ಒಳಗೊಂಡಂತೆ ನಿತ್ಯ ಬಳಕೆಯ ವಸ್ತುಗಳೆಲ್ಲ ಸುಟ್ಟು ಹೋಗಿವೆ. ಮನೆಯವರೆಲ್ಲ ಕೂಲಿ ಕೆಲಸಕ್ಕೆಂದು ಹೊರಗೆ ಹೋಗಿದ್ದಾಗ ಈ ದುರ್ಘಟನೆ ಸಂಭವಿಸಿದೆ. ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿ, ಬೆಂಕಿ ಬೇರೆಕಡೆ ಹರಡುವುದನ್ನು ತಡೆದಿದ್ದಾರೆ.