ಅಕ್ರಮ ಪಟಾಕಿ ದಾಸ್ತಾನು: ಮಾಲೀಕರ ವಿರುದ್ಧ ಪ್ರಕರಣ ದಾಖಲು

ಚಳ್ಳಕೆರೆ: ಪರವಾನಗಿ ರಹಿತ ಹಾಗೂ ಸುರಕ್ಷತಾ ಕ್ರಮ ಪಾಲಿಸದೇ ಅಕ್ರಮವಾಗಿ ಪಟಾಕಿಗಳನ್ನು ದಾಸ್ತಾನು ಮಾಡಿದ್ದ ಅಂಗಡಿಗಳ ಮೇಲೆ ಪೊಲೀಸರು ದಾಳಿ ನಡೆಸಿ ಪಟಾಕಿ ಬಂಡಲ್‍ಗಳನ್ನು ವಶಪಡಿಸಿಕೊಂಡಿದ್ದಾರೆ.

ನಗರದ ನೆಹರೂ ಸರ್ಕಲ್ ಬಳಿ ಬಳ್ಳಾರಿ ರಸ್ತೆಯ ಗುಪ್ತಸ್ಟೋರ್ ಹಾಗೂ ಬೆಂಗಳೂರು ರಸ್ತೆ ಡಿಟಿಡಿಸಿ ಕೊರಿಯರ್ ಬಳಿ ಅಂಗಡಿಯಲ್ಲಿ ಅಕ್ರಮವಾಗಿ ಪಟಾಕಿ ದಾಸ್ತಾನು ಮಾಡಿದ್ದ ಮಾಲೀಕರಾದ ತ್ಯಾಗರಾಜ ನಗರದ ಸಿ.ಬಿ.ಆದಿ ಭಾಸ್ಕರಶೆಟ್ಟಿ ಹಾಗೂ ಎಂ.ವಿ.ನಂದರಾಜು ಅವರ ವಿರುದ್ಧ ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ ಎಂದು ಪಿಎಸ್‍ಐ ಜೆ.ಶಿವರಾಜ್ ಹಾಗೂ ಧರೇಪ್ಪ ಬಾಳಪ್ಪ ದೊಡ್ಡಮನಿ ತಿಳಿಸಿದ್ದಾರೆ.