ಜೆಡಿಎಸ್ ಪರಾಜಿತ ಅಭ್ಯರ್ಥಿ ರವೀಂದ್ರಪ್ಪ ತೋಟದ ಮನೆ ಮೇಲೆ‌ ಲೋಕಾಯುಕ್ತ ದಾಳಿ

ಚಿತ್ರದುರ್ಗ: ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಎಸ್ ನಿಂದ ಸ್ಪರ್ಧಿಸಿ‌ ಪರಾಭವಗೊಂಡಿದ್ದ ಸಣ್ಣ ನೀರಾವರಿ ಇಲಾಖೆ ನಿವೃತ್ತ ಮುಖ್ಯ ಎಂಜಿನಿಯರ್ ಎಂ.ರವೀಂದ್ರಪ್ಪ ಮುಂಗುಸುವಳ್ಳಿ ಅವರ ತೋಟದ ಮನೆ ಸೇರಿ ವಿವಿಧೆಡೆ ಗುರುವಾರ ಲೋಕಾಯುಕ್ತ ಪೊಲೀಸರು ದಾಳಿ ನಡೆಸಿದರು.

12 ತಂಡಗಳಲ್ಲಿ ಬಂದ ಪೊಲೀಸರು ವಿವಿಧೆಡೆ ದಾಳಿ ನಡೆಸಿ ಹುಡುಕಾಟ ನಡೆಸುತ್ತಿದ್ದಾರೆ. ಧರ್ಮಪುರದಿಂದ ಹೋಬಳಿ ಮುಂಗುಸುವಳ್ಳಿಯಲ್ಲಿರುವ ತೋಟದ ಮನೆ, ಐಮಂಗಲ ಬಾಟಲಿ ತಯಾರಿಕೆ ಕಾರ್ಖಾನೆ, ಚಿತ್ರದುರ್ಗದ ಮಾವನ ಮನೆ, ಕಚೇರಿ ಮೇಲೆ ದಾಳೆ ನಡೆಸಿ ಪರಿಶೀಲಿಸುತ್ತಿದ್ದಾರೆ.

2023ರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಎರಡು ಬಾರಿ ಐಟಿ ದಾಳಿಯೂ ನಡೆದಿತ್ತು