ಚಿಕ್ಕಜಾಜೂರು: ಬೆಂಬಲ ಬೆಲೆಯಲ್ಲಿ ರಾಗಿ ಖರೀದಿ ಸೋಮವಾರದಿಂದ ಆರಂಭವಾಯಿತು. ಇಲ್ಲಿನ ಎಪಿಎಂಸಿ ಉಪಮಾರುಕಟ್ಟೆಯಲ್ಲಿ ನೋಂದಾಯಿತ ರೈತರಿಂದ ರಾಗಿ ಖರೀದಿಸಲಾಯಿತು.
ಕಳೆದ ವರ್ಷ ಮುಂಚಿತವಾಗಿ ಖರೀದಿ ಆರಂಭವಾಗಿತ್ತು. ಆದರೆ, ಈ ಬಾರಿ ಟೆಂಡರ್ ಪ್ರಕ್ರಿಯೆ ತಡವಾಗಿದ್ದರಿಂದ ಖರೀದಿಯೂ ತಡವಾಗಿದೆ. ನೋಂದಣಿ ಮಾಡಿಸಿರುವ ತಾಲ್ಲೂಕಿನ ರೈತರು ತಾವು ಬೆಳೆದ ರಾಗಿಯನ್ನು ಉಪ ಮಾರುಕಟ್ಟೆಗೆ ತಂದು ತೂಕ ಮಾಡಿ, ಮಾರಾಟ ಮಾಡಬೇಕು ಎಂದು ಖರೀದಿ ಕೇಂದ್ರದ ಅಧಿಕಾರಿ ಎ. ಮಾರುತಿ ಮನವಿ ಮಾಡಿದರು.
ಮೊದಲ ದಿನ 8 ಜನ ರೈತರಿಂದ 250 ಕ್ವಿಂಟಲ್ ರಾಗಿ ಖರೀದಿಸಲಾಯಿತು. ಈವರೆಗೆ 430 ರೈತರು ನೋಂದಣಿ ಮಾಡಿಸಿದ್ದಾರೆ. ತಾಲ್ಲೂಕು ಆಹಾರ ಶಿರಸ್ತೇದಾರ್ ಲಿಂಗರಾಜ್ ಹಾಗೂ ರೈತರು ಇದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.