ಮೊಳಕಾಲ್ಮುರು | ಗಮನ ಸೆಳೆದ ಪ್ರತಿಭಾ ಕಾರಂಜಿ: 800 ವಿದ್ಯಾರ್ಥಿಗಳು ಭಾಗಿ

ಮೊಳಕಾಲ್ಮುರು: ಇಲ್ಲಿಗೆ ಸಮೀಪದ ಸೂಲೇನಹಳ್ಳಿಯಲ್ಲಿರುವ ಮೊರಾರ್ಜಿ ದೇಸಾಯಿ ವಸತಿಶಾಲೆ ಆವರಣದಲ್ಲಿ ಮಂಗಳವಾರ ತಾಲ್ಲೂಕು ಮಟ್ಟದ ಪ್ರತಿಭಾ ಕಾರಂಜಿ ಹಾಗೂ ಕಲೋತ್ಸವ ಹಮ್ಮಿಕೊಳ್ಳಲಾಗಿತ್ತು.

ಜಿಲ್ಲಾ ಪಂಚಾಯಿತಿ, ಸಾರ್ವಜನಿಕ ಶಿಕ್ಷಣ ಇಲಾಖೆ, ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿ ಮತ್ತು ಕ್ಷೇತ್ರ ಸಮನ್ವಯಾಧಿಕಾರಿ ಕಚೇರಿ ಸಂಯುಕ್ತವಾಗಿ ಕಾರ್ಯಕ್ರಮ ಆಯೋಜಿಸಿದ್ದವು.

ಮಕ್ಕಳಲ್ಲಿನ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸುವ ಸಲುವಾಗಿ ಸರ್ಕಾರ ಪ್ರತಿಭಾ ಕಾರಂಜಿ ಆಯೋಜಿಸುತ್ತಿದೆ. ಶಿಕ್ಷಕರು ಹಾಗೂ ಪಾಲಕರು ಇದರ ಸದುಪಯೋಗ ಮಾಡಿಕೊಳ್ಳುವ ಮೂಲಕ ಅರ್ಹ ಪ್ರತಿಭೆಗಳನ್ನು ಅನಾವರಣಗೊಳಿಸಬೇಕು ಎಂದು ಕಾರ್ಯಕ್ರಮ ಉದ್ಘಾಟಿಸಿದ ಕ್ಷೇತ್ರ ಶಿಕ್ಷಣಾಧಿಕಾರಿ ನಿರ್ಮಲಾದೇವಿ ಹೇಳಿದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸೂರಯ್ಯ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯಶಿಕ್ಷಕ ಎಂ.ಮಲ್ಲಿಕಾರ್ಜುನ್‌, ಸರ್ಕಾರಿ ನೌಕರರ ಸಂಘದ ನಿರ್ದೇಶಕ ಎಸ್.ಬಿ.ರಾಮಚಂದ್ರಯ್ಯ, ಮುಕ್ಕಣ್ಣ, ರಾಜಣ್ಣ, ಶಿಕ್ಷಕರ ಸಂಘದ ಅಧ್ಯಕ್ಷ ಎ.ಆರ್.‌ಅಶೋಕ್‌, ನಿರ್ದೇಶಕ ಟಿ.ಎಂ.ಅಶೋಕ್, ಸಿಆರ್‌ಪಿಗಳಾದ ಆದಿಬಸಪ್ಪ, ವೇಮಣ್ಣ, ನೋಡೆಲ್‌ ಅಧಿಕಾರಿಗಳಾದ ಮಂಜುನಾಥ್‌, ಲೋಹಿತ್‌ ಕುಮಾರ್‌, ಶಿಕ್ಷಕರಾದ ಮುಜಾಮಿಲ್‌, ಎಸ್.‌ಆರ್‌.ತಿಪ್ಪೇಶ್‌, ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಜಯಮ್ಮ ಮಂಜುನಾಥ್‌ ಇದ್ದರು.

ತಾಲ್ಲೂಕಿನ 12 ಕಸ್ಟರ್‌ಗಳಿಂದ 800 ವಿದ್ಯಾರ್ಥಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. 38 ಸ್ಪರ್ಧೆಗಳು ನಡೆದವು. 60 ಮಂದಿ ತೀರ್ಪುಗಾರರು ಮತ್ತು 200 ಶಿಕ್ಷಕರು ಇದ್ದರು.