ಕಾಸರಗೋಡು | ಅಪಹರಿಸಿ ಹಲ್ಲೆ ನಡೆಸಿದ ಪ್ರಕರಣ: ಆರೋಪಿಯ ಬಂಧನ

ಕಾಸರಗೋಡು: ವ್ಯಕ್ತಿಯೊಬ್ಬರನ್ನು ಅಪಹರಿಸಿ ಹಲ್ಲೆ ನಡೆಸಿದ ಪ್ರಕರಣದ ಆರೋಪಿ ಉಪ್ಪಳ ನಯಾಬಝಾರ್ ಬಳಿಯ ಅಂಬಾರು ನಿವಾಸಿ ಪಳ್ಳತ್ತಿಲ್ ಇದ್ದೀನ್ ಕುಞಿ ಆಲಿಯಾಸ್ ಇರ್ಷಾದ್ (33) ಎಂಬಾತನನ್ನು ಕುಂಬಳೆ ಪೊಲೀಸರು ಬೆಂಗಳೂರಿನಲ್ಲಿ ಬಂಧಿಸಿದ್ದಾರೆ.

ಉಪ್ಪಳ ನಿವಾಸಿ ಉಮರ್ ಫಾರೂಕ್‌ ಎಂಬುವರನ್ನು ಅಪಹರಿಸಿ ಬಂಬ್ರಾಣದಲ್ಲಿ ಹಲ್ಲೆ ನಡೆಸಿದ್ದ ಎಂದು ಪ್ರಕರಣದಲ್ಲಿ ತಿಳಿಸಲಾಗಿದೆ.

ಮಹಿಳೆ ಮೃತ್ಯು

ಕಾಸರಗೋಡು: ಸೌದಿ ಬುರೇಧಿ ಎಂಬಲ್ಲಿ ವ್ಯಾನ್ ನಿಯಂತ್ರಣ ಕಳೆದುಕೊಂಡು ಮಗುಚಿ, ಮಂಜೇಶ್ವರ ಬಳಿಯ ಪೊಸೋಟು ಸತ್ಯಯಡ್ಕ ನಿವಾಸಿ ಕುಞಹಮ್ಮದ್ ಎಂಬುವರ ಪತ್ನಿ ಸಫಿಯಾ (55) ಮೃತಪಟ್ಟಿದ್ದಾರೆ. ಅವರ ಜತೆಗಿದ್ದ ಪತಿ, ಮಕ್ಕಳಾದ ಸಾಹಿದ್, ಸವಾದ್ ಗಾಯಗಳಿಲ್ಲದೆ ಪಾರಾಗಿದ್ದಾರೆ. ಅವರು ಮೆಕ್ಕಾಕ್ಕೆ ತೆರಳುತ್ತಿದ್ದ ವೇಳೆ ಅವಘಡ ನಡೆದಿದೆ.

ಯುವಕನ ರಕ್ಷಣೆ

ಕಾಸರಗೋಡು: ಸುಮಾರು 13 ತಾಸು ಬಾವಿಯಲ್ಲಿ ಸಿಲುಕಿದ್ದ ಯುವಕನನ್ನು ಅಗ್ನಿಶಾಮಕದಳ ಸಿಬ್ಬಂದಿ ರಕ್ಷಿಸಿದ್ದಾರೆ.

ಮೂಲತಃ ಹುಬ್ಬಳ್ಳಿ ನಿವಾಸಿ, ಈಗ ಉಪ್ಪಳದಲ್ಲಿ ವಾಸಿಸುತ್ತಿರುವ, ಕೂಲಿಕಾರ್ಮಿಕ ಭರತ್ (23) ಅವರು ಮುಳಿಂಜದ ವ್ಯಕ್ತಿಯೊಬ್ಬರ ಹಿತ್ತಿಲ ಬಾವಿಗೆ ಬಿದ್ದಿದ್ದರು.