ಉಳ್ಳಾಲ | ಸಿಡಿಲು ಬಡಿದು ಹಾನಿ

ಉಳ್ಳಾಲ: ಇಲ್ಲಿನ ಬಂಡಿಕೊಟ್ಯದ ನೇಲ್ಯ ಇಲ್ ಎಂಬಲ್ಲಿ ಮನೆಯೊಂದಕ್ಕೆ ಸಿಡಿಲು ಬಡಿದು ವಿದ್ಯುತ್ ಪರಿಕರಗಳು ಸುಟ್ಟುಹೋಗಿವೆ.

ಉಳ್ಳಾಲ ಬಂಡಿಕೊಟ್ಯದ ಪ್ರವೀಣ್ ಗುರಿಕಾರ ಎಂಬವರಿಗೆ ಸೇರಿದ ಮನೆ ಇದಾಗಿದೆ. ಮನೆಯ ವಿದ್ಯುತ್ ವೈರಿಂಗ್‌ ಕಿತ್ತು ಬಂದಿದ್ದು, ಸ್ವಿಚ್‌ ಬೋರ್ಡ್‌ಗಳು ಸುಟ್ಟು ಕರಕಲಾಗಿವೆ. ‌ಬೆಳಗ್ಗೆ ಮನೆ ಮಂದಿ ಮನೆಯಲ್ಲಿದ್ದಾಗಲೇ ಸಿಡಿಲು ಬಡಿದದೆ. ಈ ಬಗ್ಗೆ ಮನೆಯವರು ಕಂದಾಯ ಇಲಾಖೆಯ ಗಮನಕ್ಕೆ ತಂದಿದ್ದಾರೆ.