LS Polls: ಬೋಳಿಯಾರ್‌ನಲ್ಲಿ ಯು.ಟಿ.ಖಾದರ್ ಮತ ಚಲಾವಣೆ

ಮುಡಿಪು: ಬೋಳಿಯಾರ್ ಜಾರದಗುಡ್ಡೆ ರಂತಡ್ಕ ಹಿರಿಯ ಪ್ರಾಥಮಿಕ ಶಾಲೆಯ ಮತಗಟ್ಟೆಯಲ್ಲಿ ವಿಧಾನ ಸಭಾಧ್ಯಕ್ಷ ಯು.ಟಿ.ಖಾದರ್ ಅವರು ಪತ್ನಿ ಲಿಮೀಸ್ ಖಾದರ್ ಹಾಗೂ ಪುತ್ರಿ ಅವ್ವಾ ನಸೀಮ ಜತೆಗೆ ಮತದಾನ ಮಾಡಿದರು.

‘ಅಭಿವೃದ್ದಿಯಲ್ಲಿ ನಗರ ಪ್ರದೇಶಕ್ಕೆ ಆದ್ಯತೆ ಸಿಗುತ್ತದೆ. ಆದರೆ, ನಗರ ಪ್ರದೇಶದಲ್ಲಿ ಮತಚಲಾವಣೆ ಕಡಿಮೆ ಎಂಬ ಆರೋಪವಿದೆ. ಆದ್ದರಿಂದ ನಗರ ಪ್ರದೇಶದ ಜನರೂ ಚುನಾವಣೆಯಲ್ಲಿ ಆಸಕ್ತಿಯೊಂದಿಗೆ ಮತ ಚಲಾಯಿಸಬೇಕು’ ಎಂದರು.

ಯು.ಟಿ.ಖಾದರ್ ಆಪ್ತ ಸಹಾಯಕ ಮಹಮ್ಮದ್ ಲಿಬ್ಝತ್, ಕಾಂಗ್ರೆಸ್ ಮುಖಂಡ ಜಬ್ಬಾರ್ ಬೋಳಿಯಾರ್ ಜತೆಗಿದ್ದರು.