ಉಪ್ಪಿನಂಗಡಿ: ನದಿ ನೀರಿನ ಹರಿವು ಹೆಚ್ಚಳ

ಉಪ್ಪಿನಂಗಡಿ: ಇಲ್ಲಿನ ನೇತ್ರಾವತಿ ಮತ್ತು ಕುಮಾರಧಾರಾ ನದಿಗಳಲ್ಲಿ ನೀರಿನ ಹರಿವಿನಲ್ಲಿ ಹೆಚ್ಚಳ ಕಂಡು ಬಂದಿದೆ.

ಘಟ್ಟದ ಮೇಲೆ ಸುರಿದ ಮಳೆ ಮತ್ತು 3 ದಿನಗಳಿಂದ ಈ ಭಾಗದಲ್ಲೂ ಬಿರುಸಿನ ಮಳೆ ಆಗಿದ್ದರಿಂದ ನದಿಯಲ್ಲಿ ನೀರಿನ ಪ್ರವಾಹ ಅಧಿಕವಾಗಿದೆ.

ಗುಂಡ್ಯ, ಶಿರಾಡಿ, ಸುಬ್ರಹ್ಮಣ್ಯ ಭಾಗದಲ್ಲಿ ಹೆಚ್ಚು ಮಳೆ ಆಗಿದ್ದು, ಕುಮಾರಧಾರಾ ನದಿಯ ಹರಿವಿನಲ್ಲಿ ಹೆಚ್ಚಳ ಆಗಿದೆ. ಆದರೆ, ನೇತ್ರಾವತಿ ನದಿಯಲ್ಲಿ ನೀರಿನ ಹರಿವು ಕಡಿಮೆ ಇದೆ. ಕುಮಾರಾಧಾರಾ ನದಿಯ ನೀರು ನೇತ್ರಾವತಿ ಮತ್ತು ಕುಮಾರಧಾರಾ ಸಂಗಮದಲ್ಲಿ ನೇತ್ರಾವತಿ ನದಿಯ ನೀರನ್ನು ತಡೆದು ಮುನ್ನುಗ್ಗಿ ಹರಿಯುತ್ತಿದೆ.