ಕಾಡಾನೆ ದಾಳಿ: ಕೃಷಿಗೆ ಹಾನಿ

ಉಜಿರೆ: ಮಲವಂತಿಗೆ ಗ್ರಾಮದ ಮಲ್ಲ, ನಂದಿಕಾಡು, ಆರ್ನಂದಿ ಕಾಡು ಪರಿಸರದಲ್ಲಿ ಕಾಡಾನೆಗಳ ಹಿಂಡು ದಾಳಿ ನಡೆಸಿದ್ದು, ಕೃಷಿಗೆ ಅಪಾರ ಹಾನಿಯಾಗಿದೆ.

ಸದಾಶಿವ ಮಲೆಕುಡಿಯ ಎಂಬುವರ 150 ಅಡಿಕೆ ಮರಗಳನ್ನು ಕಾಡಾನೆಗಳು ಮುರಿದು ಹಾಕಿವೆ.

ತೆಂಗಿನ ಮರಗಳು ಹಾಗೂ ಇತರ ಮರಗಳಿಗೂ ಹಾನಿಯಾಗಿದೆ.

ಸುಮಾರು ಒಂದೂವರೆ ಎಕರೆ ಗದ್ದೆಯಲ್ಲಿದ್ದ ಭತ್ತದ ಕೃಷಿಯನ್ನು ಕಾಡಾನೆಗಳು ಹಾನಿ ಮಾಡಿವೆ.

ಕಾಡಾನೆಗಳಿಂದ ಲಕ್ಷಾಂತರ ರೂಪಾಯಿ ಮೌಲ್ಯದ ಕೃಷಿಗೆ ಹಾನಿಯಾಗಿದೆ.
ಆರಕ್ಕೂ ಹೆಚ್ಚು ಕಾಡಾನೆಗಳು ತಂಡದಲ್ಲಿವೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.