ದಾವಣಗೆರೆ: ಜಿಲ್ಲೆಯಾದ್ಯಂತ ಮಳೆ, ಮನೆಗಳಿಗೆ ಹಾನಿ

ದಾವಣಗೆರೆ: ಜಿಲ್ಲೆಯಾದ್ಯಂತ ಸೋಮವಾರ ಬೆಳಗ್ಗೆ ವರೆಗೆ 12.5 ಮಿ.ಮೀ. ಮಳೆಯಾಗಿದ್ದು ದಾವಣಗೆರೆ ತಾಲೂಕಿನಲ್ಲಿ 2 ಮನೆಗಳಿಗೆ ಹಾನಿಯಾಗಿದೆ.

ತಾಲೂಕಿನ ಕಂದಗಲ್ಲು ಗ್ರಾಮದಲ್ಲಿ 1 ಹಾಗೂ ನಗರದ 2ನೇ ವಾರ್ಡ್‌ನಲ್ಲಿ 1 ಕಚ್ಚಾ ಮನೆಗೆ ಹಾನಿಯಾಗಿದ್ದು 60 ಸಾವಿರ ರೂ. ನಷ್ಟವಾಗಿದೆ.

 ಜಗಳೂರು ತಾಲೂಕಿನಲ್ಲಿ ಅತಿಹೆಚ್ಚು 24.2 ಮಿ.ಮೀ, ಚನ್ನಗಿರಿ 10.7 ಮಿ.ಮೀ, ದಾವಣಗೆರೆ 10.9 ಮಿ.ಮೀ, ಹರಿಹರ 3.5 ಮಿ.ಮೀ, ಹೊನ್ನಾಳಿ 9.2 ಮಿ.ಮೀ, ನ್ಯಾಮತಿ ತಾಲೂಕಿನಲ್ಲಿ 7.6 ಮಿ.ಮೀ. ಮಳೆಯಾಗಿದೆ.