ಪ್ರಭಾ ಮಲ್ಲಿಕಾರ್ಜುನ್‌ಗೆ ಗೆಲುವು: ಕಾಂಗ್ರೆಸ್‌ ಕಾರ್ಯಕರ್ತರ ವಿಜಯೋತ್ಸವ

ಮಲೇಬೆನ್ನೂರು: ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿ ಡಾ.ಪ್ರಭಾ ಮಲ್ಲಿಕಾರ್ಜುನ್‌ ಜಯಶೀಲರಾದ ಕಾರಣ ಪಟ್ಟಣದ ಮುಖ್ಯವೃತ್ತದಲ್ಲಿ ಕಾಂಗ್ರೆಸ್‌ ಕಾರ್ಯಕರ್ತರು ಮಂಗಳವಾರ ವಿಜಯೋತ್ಸವ ಆಚರಿಸಿ ಸಂಭ್ರಮಿಸಿದರು.

ಜಯಶೀಲರಾದ ಸುದ್ದಿ ಹೊರಬೀಳುತ್ತಿದ್ದಂತೆ ಮುಖ್ಯವೃತ್ತಕ್ಕೆ ಬಂದು ಜಯಘೋಷ ಹಾಕಿದರು. ಸಿಹಿ ಹಂಚಿ, ಪಟಾಕಿ ಸಿಡಿಸಿ ಹರ್ಷ ವ್ಯಕ್ತಪಡಿಸಿದರು.

ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಅಬಿದ್‌ ಅಲಿ, ಮುಖಂಡರಾದ ಬೆಣ್ಣೆಹಳ್ಳಿ ಹಾಲೇಶಪ್ಪ, ಪಟೇಲ್‌ ಮಂಜುನಾಥ್‌, ಬಿ.ಎಂ. ವಾಗೀಶ್‌ ಸ್ವಾಮಿ, ರಾಜು ಪೂಜಾರ್‌, ಶಿವು ಪೂಜಾರ್‌, ಫೈಜು, ತಳಸದ ಬಸವರಾಜ್‌, ವೀರಯ್ಯ, ಬೋವಿ ಕುಮಾರ್‌, ಮಂಜುನಾಥ್‌, ಭಾನುವಳ್ಳಿ ಸುರೇಶ್‌, ಆರೀಫ್‌ ಅಲಿ, ಪುರಸಭಾ ಸದಸ್ಯರು, ಕಾಂಗ್ರೆಸ್‌ ಅಭಿಮಾನಿಗಳು ಇದ್ದರು.