ನ್ಯಾಮತಿ: ನಿಯಮ ಉಲ್ಲಂಘನೆ ಸಂಬಂಧ ಪಟ್ಟಣದ ವಿವಿಧ ಬ್ಯಾಂಕ್ಗಳ ಎಟಿಎಂಗೆ ಹಣ ತುಂಬಲು ಬಂದಿದ್ದ ವಾಹನವನ್ನು ಶನಿವಾರ ವಶಪಡಿಸಿಕೊಂಡಿರುವ ಪೊಲೀಸರು ಅದರಲ್ಲಿದ್ದ ₹ 73.98 ಲಕ್ಷವನ್ನು ಜಪ್ತಿ ಮಾಡಿದ್ದಾರೆ.
ಸಿಎಂಎಸ್ ಕಂಪನಿಯ ವಾಹನ ಹಣ ತುಂಬುವ ಅವಧಿ ಉಲ್ಲಂಘನೆ ಮಾಡಿದೆ. ಸಾಮಾನ್ಯವಾಗಿ ಸಂಜೆ 5.30 ರ ಒಳಗೆ ಎಟಿಎಂಗೆ ಹಣ ತುಂಬಬೇಕು ಎಂಬ ನಿಯಮ ಇದೆ. ಆದರೆ ಸಿಎಂಎಸ್ ಕಂಪನಿಯ ವಾಹನ 6.30ರವರೆಗೂ ಪಟ್ಟಣದಲ್ಲಿ ಸಂಚರಿಸುತ್ತಿತ್ತು. ಈ ಕಾರಣ ವಾಹನ ಜಪ್ತಿ ಮಾಡಲಾಗಿದೆ ಎಂದು ಪೊಲೀಸ್ ಇನ್ಸ್ಪೆಕ್ಟರ್ ಎನ್.ಎಸ್. ರವಿ ತಿಳಿಸಿದರು.
ಸಬ್ ಇನ್ಸ್ಪೆಕ್ಟರ್ ಪ್ರವೀಣ, ಹೆಡ್ ಕಾನ್ಸ್ಟೆಬಲ್ ಮಂಜಪ್ಪ, ಚುನಾವಣಾ ತನಿಖಾ ದಳದ ಅಧಿಕಾರಿ ಮಾಲತೇಶ ಮತ್ತು ಸಿಬ್ಬಂದಿ ಇದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.