ಸಂತೇಬೆನ್ನೂರು: ಮಹಿಳೆಯ ಚಿನ್ನದ ಸರ ಕಸಿದು ಪರಾರಿ

ಸಂತೇಬೆನ್ನೂರು: ಸಮೀಪದ ತಣಿಗೆರೆ ಗ್ರಾಮದ ಮಹಿಳೆ ಸೋಮವಾರ ಮುಂಜಾನೆ ವಾಯುವಿಹಾರಕ್ಕೆ ತೆರಳಿದ್ದ ವೇಳೆ ಬೈಕ್‌ನಲ್ಲಿ ಬಂದ ಮೂವರು ದುಷ್ಕರ್ಮಿಗಳು ಚಿನ್ನದ ಸರ ಕಿತ್ತುಕೊಂಡು ಪರಾರಿಯಾಗಿದ್ದಾರೆ.

ರತ್ನಮ್ಮ ಅವರು ಸಹೋದರಿ ಯಶೋಧಮ್ಮ ಅವರೊಂದಿಗೆ ಬೆಳಿಗ್ಗೆ 6ಕ್ಕೆ ವಾಯುವಿಹಾರಕ್ಕೆ ಹೋದಾಗ ಈ ಘಟನೆ ನಡೆದಿದೆ. ತಣಿಗೆರೆ– ಬಾಡ ರಸ್ತೆಯ ಉಪನಾಯಕನಹಳ್ಳಿ ಕ್ರಾಸ್ ಬಳಿ ಪಲ್ಸರ್ ಬೈಕ್‌ನಲ್ಲಿ ಬಂದ ಮೂವರು ದುಷ್ಕರ್ಮಿಗಳು ಈ ಕೃತ್ಯ ಎಸಗಿದ್ದಾರೆ.

ಸ್ವಲ್ಪ ಮುಂದಕ್ಕೆ ಚಲಿಸಿ ಹಿಂತಿರುಗಿ ಬಂದವರೇ ಕುತ್ತಿಗೆ ಹಿಸುಕಿ ಸರ ಕಿತ್ತುಕೊಂಡು ಉಪನಾಯಕನಹಳ್ಳಿ ದಾರಿಯಲ್ಲಿ ಸಾಗಿದರು. ಅಂದಾಜು ₹ 2.30 ಲಕ್ಷ ಬೆಲೆ ಬಾಳುತ್ತದೆ. ಕೃತ್ಯ ಎಸಗಿದವರು 25ರಿಂದ 30 ವರ್ಷದ ಯುವಕರಾಗಿದ್ದರು’ ಎಂದು ಮಹಿಳೆ ದೂರಿನಲ್ಲಿ ತಿಳಿಸಿದ್ದಾರೆ. 

ಸಂತೇಬೆನ್ನೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.