ಅಪಘಾತ; ಬೈಕ್‌ ಸವಾರ ಸಾವು

ನವಲಗುಂದ: ಸಮೀಪದ ಖನ್ನೂರ ಗ್ರಾಮದ ಮೋಟಬಸವೇಶ್ವರ ದೇವಸ್ಥಾನದ ಎದುರು ಕಾರು ಹಾಗೂ ಬೈಕ್ ಮಧ್ಯೆ ಸಂಭವಿಸಿದ ಅಪಘಾತದಲ್ಲಿ ಬೈಕ್‌ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಗದಗ ಜಿಲ್ಲೆಯ ರೋಣ ತಾಲ್ಲೂಕಿನ ಚಿಕ್ಕಮಣ್ಣೂರ ಗ್ರಾಮದ ನಿವಾಸಿ ಈರಣ್ಣ ಕಲ್ಮನಿ (40) ಮೃತಪಟ್ಟವರು. ಈರಣ್ಣ ಅವರು ಧಾರವಾಡದಿಂದ ಚಿಕ್ಕಮಣ್ಣೂರ ಗ್ರಾಮಕ್ಕೆ ಹೋಗುತ್ತಿದ್ದ ಸಂದರ್ಭದಲ್ಲಿ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನವಲಗುಂದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.