ಸಂವಿಧಾನದಿಂದಲೇ ಶಾಸಕನಾಗಿರುವೆ: ಶಾಸಕ ಕೋನರಡ್ಡಿ

ನವಲಗುಂದ: ‘ಸಂವಿಧಾನ ನಮ್ಮ ದೇಶದ ಪವಿತ್ರ ಗ್ರಂಥವಾಗಿದೆ. ದೇಶದ ಜನರನ್ನು ಸಶಕ್ತಗೊಳಿಸಿದೆ. ಸರ್ವರಿಗೂ ಸಮಾನತೆ ಒದಗಿಸಿದೆ. ಮೂಲಭೂತ ಹಕ್ಕುಗಳು, ಕರ್ತವ್ಯವನ್ನೂ ನೀಡಿದೆ. ಭಾರತಕ್ಕೆ ಸಂವಿಧಾನವೇ ದೊಡ್ಡ ಬಲ. ಬಾಬಾಸಾಹೇಬರು ರಚಿಸಿದ ಸಂವಿಧಾನದಿಂದಲೇ ಇಂದು ನಾನು ಶಾಸಕನಾಗಿದ್ದೇನೆ’ ಎಂದು ಎನ್.ಎಚ್.ಕೋನರಡ್ಡಿ ಹೇಳಿದರು.

ಪಟ್ಟಣದ ತಾಲ್ಲೂಕು ಪಂಚಾಯಿತಿ ಸಭಾಭವನದಲ್ಲಿ ತಾಲ್ಲೂಕು ಆಡಳಿತ, ತಾಲ್ಲೂಕು ಪಂಚಾಯಿತಿ, ಪುರಸಭೆ ಹಾಗೂ ಸಮಾಜ ಕಲ್ಯಾಣ ಇಲಾಖೆ ನವಲಗುಂದ ಇವರ ಸಂಯುಕ್ತ ಆಶ್ರಯದಲ್ಲಿ ‘ಭಾರತ ಸಂವಿಧಾನ ದಿನಾಚರಣೆ‘ ಕಾರ್ಯಕ್ರಮದಲ್ಲಿ ಡಾ. ಅಂಬೇಡ್ಕರ್ ಅವರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ, ಮಾತನಾಡಿದರು

ಕಾರ್ಯಕ್ರಮಕ್ಕೂ ಮೊದಲು ತಾ.ಪಂ. ಕಚೇರಿ ಮುಂದೆ ಇರುವ ಅಂಬೇಡ್ಕರ್ ಮೂರ್ತಿಗೆ ಮಾಲಾರ್ಪಣೆ ಮಾಡಿದರು.

ಸಹ ಶಿಕ್ಷಕರಾದ ರಮೇಶ ಕೋಟಗಿ ಉಪನ್ಯಾಸ ನೀಡಿದರು. ಶಿವು ಪೂಜಾರ ತಂಡದವರು ಕ್ರಾಂತಿಗೀತೆ ಹಾಡಿದರು. ವಿದ್ಯಾರ್ಥಿಗಳು ಪ್ರಾರ್ಥಿಸಿದರು. 

ತಹಶೀಲ್ದಾರ್ ಸುಧೀರ ಸಾಹುಕಾರ, ಪುರಸಭೆ ಅಧ್ಯಕ್ಷ ಶಿವಾನಂದ ತಡಸಿ, ತಾ.ಪಂ ಇಒ ಭಾಗ್ಯಶ್ರೀ ಜಹಗೀರದಾರ, ಸಮಾಜ ಕಲ್ಯಾಣ ಇಲಾಖೆಯ ಸಹಾಯಕ ನಿರ್ದೇಶಕ  ಮಲ್ಲಿಕಾರ್ಜುನ ಹೊಸಮನಿ, ಶೋಭಾ ಹಿರೇಮಠ, ಎಸ್.ಪಿ.ಪೂಜಾರ, ರಾಧಾ ಕುಲಕರ್ಣಿ, ಎಸ್.ಬಿ‌. ಮಲ್ಲಾಡ, ಸಂಜೀವಕುಮಾರ ಗುಡಿಮನಿ, ಯು.ಸಿ.ಪಾಟೀಲ್, ಸಮಾಜ ಮುಖಂಡರಾದ ರಾಜು ನಡುವಿನಮನಿ, ನಂದಿನಿ ಹಾದಿಮನಿ, ಅಶೋಕ ಮದಗುಣಕಿ ಪುರಸಭಾ ಸದಸ್ಯರಾದ ಮೋದಿನ ಶಿರೂರು, ಹನುಮಂತ ವಾಲಿಕಾರ, ಹಾಗೂ ತಾಲ್ಲೂಕು ಮಟ್ಟದ ಅಧಿಕಾರಿಗಳು ಸಮಾಜ ಮುಖಂಡರು ಉಪಸ್ಥಿತರಿದ್ದರು.