ಹುಬ್ಬಳ್ಳಿ–ಧಾರವಾಡ ಮಹಾನಗರ: ಈದ್‌ ಮಿಲಾದ್‌ ರಜೆ 29ರಂದು

ಧಾರವಾಡ: ಹುಬ್ಬಳ್ಳಿ–ಧಾರವಾಡ ಮಹಾನಗರ ವ್ಯಾಪ್ತಿಯಲ್ಲಿ ಈದ್‌ ಮಿಲಾದ್‌ ರಜೆಯನ್ನು ಸೆ.29ಕ್ಕೆ ಮುಂದೂಡಲಾಗಿದೆ.

ಸೆ. 28ರಂದು ಗಣೇಶ ಮೂರ್ತಿ ವಿಸರ್ಜನೆ ಜರಗುಲಿದೆ. ಹುಬ್ಬಳ್ಳಿಯ ಅಂಜುಮನ್‌–ಏ–ಇಸ್ಲಾಂ ಸಂಸ್ಥೆಯವರು ಸೆ.29ರಂದು ಈದ್‌ ಮಿಲಾದ್‌ ಮೆರವಣಿಗೆ ಹಮ್ಮಿಕೊಳ್ಳಲು ತೀರ್ಮಾನಿಸಿದ್ಧಾರೆ.

ಹೀಗಾಗಿ, ಸೆ.28ಕ್ಕೆ ಬದಲಾಗಿ 29ಕ್ಕೆ ಈದ್‌ ಮಿಲಾದ್‌ ರಜೆಯನ್ನು ಅವಳಿ ನಗರ ವ್ಯಾಪ್ತಿಗೆ ಸೀಮಿತವಾಗಿ ಘೋಷಿಸಿ ಆದೇಶ ಹೊರಡಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಗುರುದತ್ತ ಹೆಗಡೆ ತಿಳಿಸಿದ್ಧಾರೆ.