ಗುರುವಿನಹಳ್ಳಿ ಗ್ರಾ.ಪಂ: ಮಂಜುನಾಥ ಅಧ್ಯಕ್ಷ

ಕುಂದಗೋಳ: ತಾಲ್ಲೂಕಿನ ಗುರುವಿನಹಳ್ಳಿ ಗ್ರಾಮ ಪಂಚಾಯ್ತಿ 2 ಅವಧಿಗೆ ಅಧ್ಯಕ್ಷರಾಗಿ ಮಂಜುನಾಥ ಬ.ಬೂದಪ್ಪನವರ ಹಾಗೂ ಉಪಾಧ್ಯಕ್ಷರಾಗಿ ರತ್ನವ್ವ ಪಡೆಸೂರ ಅವರು ಅವಿರೋಧವಾಗಿ ಆಯ್ಕೆಯಾದರು.

ಅಧ್ಯಕ್ಷ ಮಂಜುನಾಥ ಬ.ಬೂದಪ್ಪನವರ ಮಾತನಾಡಿ, ‘ಗುರುವಿನಹಳ್ಳಿ ಗ್ರಾ.ಪಂ. ವ್ಯಾಪ್ತಿಗೆ ಒಳ ಪಡುವ ಗ್ರಾಮಗಳಿಗೆ ಪೂರ್ಣ ಪ್ರಮಾಣದಲ್ಲಿ ಸೌರವಿದ್ಯುತ್‌ ದೀಪದ ವ್ಯವಸ್ಥೆ ಹಾಗೂ ಮುಖ್ಯ ಜಾಗಗಳಲ್ಲಿ ಸಿಸಿ ಟಿವಿ ಕ್ಯಾಮರಾ ಅಳವಡಿಕೆ ಹಾಗೂ ರಸ್ತೆ, ಕೆರೆ ಕಟ್ಟೆಗಳು, ಕುಡಿಯುವ ನೀರಿನ ವ್ಯವಸ್ಥೆ ಸೇರಿ ಮೂಲ ಸೌಕರ್ಯಗಳ ಬಗ್ಗೆ ಹೆಚ್ಚಿನ ಒತ್ತು ನೀಡಿ  ಸರ್ವತೋಮುಖ ಅಭಿವೃದ್ಧಿಗೆ ಶ್ರಮಿಸುತ್ತೇನೆ’ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಚುನಾವಣಾ ಅಧಿಕಾರಿ ಬಿ.ಬಿ.ಅವಾರಿ, ಅಬ್ದುಲಸಾಬ ಅಕ್ಕಿ, ರಾಜಕುಮಾರ ನವಲೂರ, ಜಯಶ್ರೀ ಮಾಡಲಗಿ,ಕಲ್ಲಮ್ಮ ಇಂಗಳಗಿ,  ಸದಸ್ಯರು ಹಾಗೂ ಪಿಡಿಒ ಬಸವರಾಜ ಬಾಗಲ್ ಹಾಗೂ ಸಿಬ್ಬಂದಿ ಉಪಸ್ಥಿತರಿದ್ದರು.