ಹುಬ್ಬಳ್ಳಿ | ವ್ಯಾಪಾರಿಗೆ ₹2.36 ಲಕ್ಷ ವಂಚನೆ

ಹುಬ್ಬಳ್ಳಿ: ಇಲ್ಲಿಯ ಶೀಲವಂತರ ಓಣಿಯ ಕಿರಾಣಿ ಅಂಗಡಿಯಲ್ಲಿ ಕೆಲಸಕ್ಕಿದ್ದ ಶ್ಯಾಮಸುಂದರ ಮೀಠಾ, ಅಂಗಡಿ ಮಾಲೀಕ ರವೀಂದ್ರ ರಾಜಪುರೋಹಿತ ಅವರಿಗೆ ₹2.36 ಲಕ್ಷ ವಂಚಿಸಿ ಪರಾರಿಯಾದ ಆರೋಪದ ಕುರಿತು ಘಂಟಿಕೇರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಂಗಡಿ ಮಾಲೀಕ ಆರೋಪಿ ಶ್ಯಾಮಸುಂದರಗೆ ವ್ಯಾಪಾರ ವಹಿವಾಟಿಗೆ ಸಂಬಂಧಿಸಿದ ಹಣ ನೀಡಿ, ಅಳಗುಂಡಗಿ ಓಣಿಯ ವ್ಯಕ್ತಿಯೊಬ್ಬರಿಗೆ ತಲುಪಿಸುವಂತೆ ಹೇಳಿ, ತನ್ನ ಬೈಕ್‌ ನೀಡಿದ್ದರು. ಆದರೆ, ಅವನು ಬೈಕ್‌ ಅನ್ನು ಅಳಗುಂಡಗಿ ಓಣಿಯಲ್ಲಿ ನಿಲ್ಲಿಸಿ, ಹಣದ ಸಮೇತ ಪರಾರಿಯಾಗಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.