ಹುಬ್ಬಳ್ಳಿ-ಧಾರವಾಡ: ರಾಮಪ್ಪ‌‌ ಬಡಿಗೇರ‌ ನೂತನ‌ ಮೇಯರ್,ದುರ್ಗಮ್ಮ ಬಿಜವಾಡ ಉಪಮೇಯರ್

ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆಯ 23ನೇ ಅವಧಿಯ ನೂತನ ಮೇಯರ್ ಆಗಿ  30 ನೇ ವಾರ್ಡ್ ನ ಬಿಜೆಪಿಯ ರಾಮಪ್ಪ ಬಡಿಗೇರ, ಉಪಮೇಯರ್ ಆಗಿ ವಾರ್ಡ್ 69ರ ದುರ್ಗಮ್ಮ ಬಿಜವಾಡ ಆಯ್ಕೆಯಾದರು.

ರಾಮಪ್ಪ ಬಡಿಗೇರ 47 ಮತ ಮತ್ತು ದುರ್ಗಮ್ಮ‌ ಬಿಜವಾಡ 47 ಮತಗಳನ್ನು ಪಡೆದರು.

ಕಾಂಗ್ರೆಸ್ ನ ಪ್ರತಿಸ್ಪರ್ಧಿ ಮೇಯರ್ ಅಭ್ಯರ್ಥಿ ಇಮ್ರಾನ್ ಎಲಿಗಾರ 36, ಉಪಮೇಯರ್ ಅಭ್ಯರ್ಥಿ ಮಂಗಳಮ್ಮ ಹಿರೇಮನಿ 36 ಮತ ಪಡೆದರು.

ಮೇಯರ್ ಸ್ಥಾನಕ್ಕೆ‌ ಸ್ಪರ್ಧಿಸಿದ್ದ ಎಐಎಂಐಎಂ ಪಕ್ಷದ ಹುಸೇನಬಿ ನಾಲತವಾಡ 3 ಮತಗಳನ್ನು ಪಡೆದರು.

ಬಿಜೆಪಿ‌ ಕಾರ್ಯಕರ್ತರ ಸಂಭ್ರಮಾಚರಣೆ; ಫಲಿತಾಂಶ ಘೋಷಣೆಯಾಗುತ್ತಿದ್ದಂತೆ ಮಹಾನಗರ ಪಾಲಿಕೆ ಆವರಣದಲ್ಲಿ ಸೇರಿದ್ದ ಬಿಜೆಪಿ ಕಾರ್ಯಕರ್ತರು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಾಚರಣೆ ನಡೆಸಿದರು.