ಗಾಂಧಿ ಜಯಂತಿ: ಸಂಶಿಯಿಂದ ಕುಂದಗೋಳವರೆಗೆ ಕಾಲ್ನಡಿಗೆ

ಗುಡಗೇರಿ: ಸಂಶಿ ಗ್ರಾಮ ಪಂಚಾಯಿತಿ ಸದಸ್ಯ ಹನಮಂತ ಲಕ್ಷ್ಮೇಶ್ವರ ಮಹಾತ್ಮ ಗಾಂಧಿ ಜಯಂತಿ ಅಂಗವಾಗಿ ಸಂಶಿಯಿಂದ ಕುಂದಗೋಳವರೆಗೆ 14 ಕಿಲೋ ಮೀಟರ್ ಬರಿಗಾಲಿನಲ್ಲಿ ನಡೆದು ಬಂದು ಗಾಂಧಿ ಮೂರ್ತಿಗೆ ಗೌರವ ಸಲ್ಲಿಸಿದರು.

‘ರಾಷ್ಟ್ರಪಿತ  ಗಾಂಧೀಜಿ ಅಧ್ಯಕ್ಷತೆಯಲ್ಲಿ ಬೆಳಗಾವಿ ಸಮಾವೇಶ ಜರುಗಿ ಇಂದಿಗೆ ನೂರು ವಸಂತ ಸಂದ ಸವಿನೆನಪಿಗಾಗಿ ಕಾಂಗ್ರೆಸ್ ಪಕ್ಷವು ಈ ವರ್ಷ ಪೂರ್ತಿ ವಿಶಿಷ್ಟ ರೀತಿಯಿಂದ ಆಚರಿಸುತ್ತಿದ್ದಾರೆ. ನಾನು ಸಹ ಗಾಂಧಿಯವರ ಅಭಿಮಾನಿಯಾಗಿದ್ದು ಕಾಲ್ನಡಿಗೆ ಮೂಲಕ ನಮನ ಸಲ್ಲಿಸುತ್ತಿದ್ದೇನೆ’ ಎಂದು ‘ಪ್ರಜಾವಾಣಿ’ಗೆ ಹೇಳಿದರು.