ನವಲಗುಂದ: ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿಪೂಜೆ

ನವಲಗುಂದ: ತಾಲ್ಲೂಕಿನ ಮೊರಬ ಹೋಬಳಿಯ ವಿವಿಧ ಗ್ರಾಮಗಳಲ್ಲಿ ಅಭಿವೃದ್ಧಿ ಕಾಮಗಾರಿಗಳಿಗೆ ಶಾಸಕ ಎನ್.ಎಚ್.ಕೋನರಡ್ಡಿ ಶನಿವಾರ ಭೂಮಿಪೂಜೆ ನೆರವೇರಿಸಿದರು.

ಶಿರಕೋಳ ಗ್ರಾಮದಲ್ಲಿ 15ನೇ ಹಣಕಾಸು ಯೋಜನೆಯಡಿ ₹5.50 ಲಕ್ಷ ವೆಚ್ಚದಲ್ಲಿ ಎಸ್.ಟಿ ಕಾಲೊನಿಯ ಸಿದ್ಧಾರೂಢ ಮಠದಿಂದ ಮೊರಬದ ರಸ್ತೆವರೆಗೆ ಸಿ.ಸಿ ರಸ್ತೆ ನಿರ್ಮಾಣ, ಜಾವೂರ ಗ್ರಾಮದಲ್ಲಿ ಜಾವೂರನಿಂದ ಹಂಚಿನಾಳದ ತಾಲ್ಲೂಕು ಹದ್ದಿನವರೆಗೆ ₹34.08 ಲಕ್ಷ ವೆಚ್ಚದಲ್ಲಿ ಮರುಡಾಂಬರೀಕರಣ, ಹನಸಿ ಗ್ರಾಮದಲ್ಲಿ ಹನಸಿಯಿಂದ ದಡೇರಕೊಪ್ಪ‌ದವರೆಗೆ 3.00 ಕಿ.ಮೀ ರಸ್ತೆಯನ್ನು ₹16.86 ಲಕ್ಷ ವೆಚ್ಚದಲ್ಲಿ ಮರುಡಾಂಬರೀಕರಣ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಲಾಯಿತು.

ಮಾಜಿ ಶಾಸಕರಾದ ಬಿ.ಆರ್.ಯಾವಗಲ್, ಜಿಲ್ಲಾ ಪಂಚಾಯಿತಿ  ಮಾಜಿ ಅಧ್ಯಕ್ಷೆ ಶಾಂತವ್ವ ಗುಜ್ಜಳ, ಮಲ್ಲಿಕಾರ್ಜುನ ರೋಣದ, ಸಂತೋಷ ಗುಜ್ಜಳ, ಮಲ್ಲಪ್ಪ ಕುರಿ, ಈರಪ್ಪ ಮಾಳವಾಡ, ಮೌಲಾ ಮರ್ಥೋಜಿ, ಭೀಮ್ಶಿ ಜಕಾತಿ, ಸುರೇಶ ಕೇಸರಿ, ಪರಮೇಶ್ವರ್ ಹೊಸವಾಳ, ಶಿವಲೀಲಾ ಬೋರಶಟ್ಟಿ ಇದ್ದರು.