ಹುಬ್ಬಳ್ಳಿ | ಅಶೋಕ ಪುಟ್ಟಪ್ಪ ಪಾಟೀಲ ನಿಧನ

ಹುಬ್ಬಳ್ಳಿ: ಪತ್ರಕರ್ತ ಪಾಟೀಲ ಪುಟ್ಟಪ್ಪ ಅವರ ಹಿರಿಯ ಪುತ್ರ ಅಶೋಕ ಪುಟ್ಟಪ್ಪ ಪಾಟೀಲ (67) ಶುಕ್ರವಾರ ಬೆಳಿಗ್ಗೆ ಇಲ್ಲಿನ ವಿಶ್ವೇಶ್ವರ ನಗರದ ನಿವಾಸದಲ್ಲಿ ನಿಧನರಾದರು. 

ಇವರಿಗೆ ಪತ್ನಿ ಶೋಭನಾ ಪಾಟೀಲ, ಪುತ್ರರಾದ ಸಂತೋಷ ಪಾಟೀಲ ಹಾಗೂ ಶಿವಕುಮಾರ ಪಾಟೀಲ ಇದ್ದಾರೆ. 

ಇಲ್ಲಿನ ಸ್ವಗೃಹದಲ್ಲಿ ಮಧ್ಯಾಹ್ನ 1.30ರ ತನಕ ಸಾರ್ವಜನಿಕರ ಅಂತಿಮ ದರ್ಶನಕ್ಕೆ ಇಡಲಾಗುವುದು. ಸಂಜೆ ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ತಾಲ್ಲೂಕಿನ ಬಿದರಗಡ್ಡಿ ಗ್ರಾಮದ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನೆರವೇರಿಸಲಾಗುವುದು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.