ತೇಗೂರು: ಸಿಕ್ಕಿಬಿದ್ದ ನಕಲಿ ವೈದ್ಯ

ಧಾರವಾಡ: ಆರೋಗ್ಯಾಧಿಕಾರಿಗಳ ತಂಡವು ತಾಲ್ಲೂಕಿನ ತೇಗೂರಿನಲ್ಲಿ ಗುರುವಾರ ಕಾರ್ಯಾಚರಣೆ ನಡೆಸಿ ಅನಧಿಕೃತವಾಗಿ ಕ್ಲಿನಿಕ್‌ ನಡೆಸುತ್ತಿದ್ದ ನಕಲಿ ವೈದ್ಯನನ್ನು ಪತ್ತೆ ಹಚ್ಚಿದೆ.

ಜಿಲ್ಲಾಆರೋಗ್ಯಾಧಿಕಾರಿ ಡಾ.ಶಶಿ ಪಾಟೀಲ, ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ತನುಜಾ ಮತ್ತು ತಂಡದವರು ಕಾರ್ಯಾಚರಣೆ ನಡೆಸಿದ್ದಾರೆ. ನಕಲಿ ವೈದ್ಯ ಮಂ‌ಜುನಾಥ ಇಳಿಗೇರ ಸಿಕ್ಕಿಬಿದ್ದಿದ್ದಾರೆ. ಅಧಿಕಾರಿಗಳು ಅನಧಿಕೃತ ಕ್ಲಿನಿಕ್‌ಗೆ ಬೀಗ ಜಡಿದಿದ್ದಾರೆ. ಕ್ಲಿನಿಕ್‌ನಲ್ಲಿ ಅಲೋಪಥಿ ಔಷಧಗಳು (ಮಾತ್ರೆ, ಸಿರಪ್‌...) ಸಿಕ್ಕಿವೆ.

‘ಮಂ‌ಜುನಾಥ ಇಳಿಗೇರ ಅವರು ಯಾವುದೇ ವೈದ್ಯಕೀಯ ಪದವಿ ಪಡೆದಿಲ್ಲ. ಅನಧಿಕೃತವಾಗಿ ಕಕ್ಲಿನಿಕ್‌ ನಡೆಸುತ್ತಿದ್ದರು. ಅವರ ವಿರುದ್ಧ ‌ಕೆಪಿಎಂಇ ಕಾಯ್ದೆಯಡಿ ಪ‍್ರಕರಣ ದಾಖಲಿಸಲಾಗಿದೆ’ ಎಂದು ಡಿಎಚ್‌ಒ ಶಶಿ ಪಾಟೀಲ ತಿಳಿಸಿದ್ದಾರೆ. .