ಪರೀಕ್ಷಾರ್ಥಿಗಳಿಗಾಗಿ ವಿಶೇಷ ರೈಲು

ಹುಬ್ಬಳ್ಳಿ: ಆರ್‌ಆರ್‌ಬಿ ಎನ್‌ಟಿಪಿಸಿ ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳಿಗಾಗಿ ನೈರುತ್ಯ ರೈಲ್ವೆಯು ಬೆಳಗಾವಿ–ತಿರುವನಂತಪುರ ಸೆಂಟ್ರಲ್–ಬೆಳಗಾವಿ ಮಧ್ಯೆ ವಿಶೇಷ ರೈಲು ಸಂಚಾರಕ್ಕೆ ವ್ಯವಸ್ಥೆ ಮಾಡಿದೆ.

ಮೇ 9 ಹಾಗೂ 10 ರಂದು ನಡೆಯಲಿರುವ ಪರೀಕ್ಷೆಗಾಗಿ ಬೆಳಗಾವಿಯಿಂದ ಮೇ 7ರಂದು ಬೆಳಿಗ್ಗೆ 7ಕ್ಕೆ ಹೊರಡಲಿರುವ ರೈಲು ಮಾರನೇ ದಿನ ಮಧ್ಯಾಹ್ನ 2 ಗಂಟೆಗೆ ತಿರುವನಂತಪುರ ತಲುಪಲಿದೆ. ತಿರುವನಂತಪುರ ಸೆಂಟ್ರಲ್ 9ರಂದು ರಾತ್ರಿ 10ಕ್ಕೆ ಹೊರಡಲಿರುವ ರೈಲು 11ರಂದು ಬೆಳಿಗ್ಗೆ 3 ಗಂಟೆಗೆ ಬೆಳಗಾವಿ ತಲುಪಲಿದೆ ಎಂದು ಪ್ರಕಟಣೆ ತಿಳಿಸಿದೆ.