ಕಳಸಾ ಬಂಡೂರಿ ಯೋಜನೆಗಾಗಿ ನಿರಂತರ ಹೋರಾಟ: ಕೋನರಡ್ಡಿ

ನವಲಗುಂದ: ರೈತ ವಿರೋಧಿ ಮೂರು ಕೃಷಿ ಕಾಯ್ದೆಗಳನ್ನು ಕೇಂದ್ರ ಸರ್ಕಾರ ವಾಪಸ್ ಪಡೆಯುವವರೆಗೆ ಬೃಹತ್ ರೈತ ಆಂದೋಲನ ಮಾಡಿದ ಮಾದರಿಯಲ್ಲಿಯೇ ಮಹದಾಯಿ, ಕಳಸಾ ಬಂಡೂರಿ ಯೋಜನೆ ಜಾರಿಯಾಗುವವರೆಗೆ ರೈತರೊಂದಿಗೆ ಹೋರಾಟ ಮಾಡಲಾಗುವುದೆಂದು ಮಾಜಿ ಶಾಸಕ ಎನ್.ಎಚ್.ಕೋನರಡ್ಡಿ ಹೇಳಿದರು.

ಶನಿವಾರ ಜೆ.ಡಿ.ಎಸ್ ಪಕ್ಷದ ವತಿಯಿಂದ ರೈತ ಹುತಾತ್ಮ ಬಸಪ್ಪ ಲಕ್ಕುಂಡಿ ವೀರಗಲ್ಲಿಗೆ ಮಾಲಾರ್ಪಣೆ ಮಾಡಿ ಕೃಷಿ ಕಾಯ್ದೆಗಳನ್ನು ಹಿಂಪಡೆದಿದ್ದಕ್ಕೆ ಬಂಡಾಯದ ನೆಲದಲ್ಲಿ ಧಾರವಾಡ ಪೇಢೆ ಹಂಚಿ ಸಂಭ್ರಮಿಸಲಾಯಿತು.

ಸ್ಥಳೀಯ ವಿಧಾನಸಭಾ ಕ್ಷೇತ್ರದುದ್ದಕ್ಕು ನಿರಂತರವಾಗಿ ಸುರಿದ ಮಳೆಯಿಂದಾಗಿ ಅಪಾರ ಪ್ರಮಾಣದ ಬೆಳೆಗಳು ಹಾನಿಯಾ
ಗಿದೆ. ಹತ್ತಿ ಬಿಡಿಸಿ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗುವ ಮುಂಚೆ ಬೆಳೆ ನೀರು ಪಾಲಾಗಿದೆ. ಈರುಳ್ಳಿ, ಮೆಣಸಿನಕಾಯಿ ಬೆಳೆಗಳು ಹೊಲದಲ್ಲಿಯೇ ಕೊಳೆಯುತ್ತಿವೆ. ಹಿಂಗಾರಿನ ಕಡಲೆ ಬೆಳೆಗಳ ಹೊಲದಲ್ಲಿಯೂ ನೀರು ನಿಂತು ಹಾನಿಯಾಗುತ್ತಿದೆ. ಕ್ಷೇತ್ರದಲ್ಲಿ 500 ಕ್ಕೂ ಹೆಚ್ಚು ಮನೆಗಳು ಸಂಪೂರ್ಣವಾಗಿ ಹಾಗೂ 200 ಕ್ಕೂ ಹೆಚ್ಚು ಮನೆಗಳು ಭಾಗಶಃ ಬಿದ್ದಿವೆ ಎಂಬ ಮಾಹಿತಿ ಇದೆ. ಇಂಗಳಹಳ್ಳಿ – ಕುಸುಗಲ್ಲ ರಸ್ತೆ ಸಂಪೂರ್ಣ ಜಲಾವೃತವಾಗಿದ್ದು ಸಂಚಾರಕ್ಕೆ ತೊಂದರೆಯಾಗಿದೆ ಎಂದು.

ಬಳಿಕ, ತಹಶೀಲ್ದಾರ್ ನವೀನ ಹುಲ್ಲೂರ ಅವರ ಮೂಲಕ ಸಿ.ಎಂ.ಗೆ ಮನವಿ ಸಲ್ಲಿಸಿದರು. ಪುರಸಭೆ ಸದಸ್ಯರಾದ ಪ್ರಕಾಶ ಶಿಗ್ಲಿ, ಮಹಾಂತೇಶ ಭೋವಿ, ಮುಖಂಡರಾದ ಜೀವನ ಪವಾರ, ಪ್ರದೀಪ ಲೆಂಕನಗೌಡ್ರ, ಪರಪ್ಪ ಗಾಣಿಗೇರ, ಎಂ.ಎಂ.ಗದಗ, ಎಸ್.ಎಂ.ಅಂದಾನಿಗೌಡರ, ಮೌಲಾಸಾಬ ಹೂಲಿ, ಮಂಜುನಾಥ ಹುಲಗಪ್ಪನವರ, ಹೆಚ್.ಎನ್.ಮಳಗಿ, ಈರಯ್ಯ ದಂಡೀನ, ನೂರಜಹಾನ ದವಲತ್ತದಾರ, ನಂದಿನ ಹಾದಿಮನಿ ಉಪಸ್ಥಿತರಿದ್ದರು.